চিটাৰা ডেস্ক, 11 আগষ্ট : টিভি আৰু চলচ্চিত্ৰ জগতৰ বিখ্যাত কমেডিয়ান তথা অভিনেতা ৰাজু শ্ৰীবাস্তৱ ১০ আগষ্টত হৃদ ৰোগত আক্ৰান্ত হয় । ততাতৈয়াকৈ ৰাজুক ৰাজধানী দিল্লীৰ এইমছ হাস্পতালত ভৰ্তি কৰোৱা হয় (Raju Srivastava on ventilator)। এতিয়া কমেডিয়ানজনৰ অৱস্থা সংকটজনক বুলি জানিব পৰা গৈছে আৰু তেওঁক ভেণ্টিলেটৰত ৰখা হৈছে । ৰাজুৰ এঞ্জিঅ’গ্ৰাফী কৰাৰ সময়ত হৃদপিণ্ডৰ এটা বৃহৎ অংশত ১০০% ব্লকেজ পোৱা গৈছিল ।
জিমত ৱৰ্কআউট কৰি থাকোঁতে হাৰ্ট এটেক আহিছিল তেওঁৰ । সেই সময়ত ট্ৰেডমিলত দৌৰি থাকোঁতে তেওঁ তলত ঢলি পৰে । ইয়াৰ পিছত ততাতৈয়াকৈ তেওঁক চিকিৎসালয়লৈ লৈ যোৱা হয় । ৰাজুৰ হাৰ্ট এটেক হোৱা খবৰটো নিশ্চিত কৰিছে তেওঁৰ ভাতৃ আৰু পি আৰ অ’ই (Raju Srivastava Heart Attack) ।
তাৎপৰ্যপূৰ্ণভাৱে ৫৯ বছৰীয়া ৰাজু শ্ৰীবাস্তৱক দুদিনৰ চিকিৎসাৰ বাবে চিকিৎসালয়ত ৰখা হ’ব (Raju Srivastava in AIIMS) ৷ ৰাজধানী দিল্লীৰ এইমছ হাস্পতালৰ কাৰ্ডিয়াক কেয়াৰ ইউনিটত ৰাজু শ্ৰীবাস্তৱক ৰখা হৈছে ৷ চিকিৎসকৰ এটা বিশেষ দলে চিকিৎসা কৰি আছে তেওঁৰ । ৰাজুৰ এঞ্জিঅ’গ্ৰাফীও কৰা হৈছিল, য’ত তেওঁৰ হৃদযন্ত্ৰৰ এটা বৃহৎ অংশত ১০০% ব্লকেজ পোৱা গৈছে । চিকিৎসকে সদৰী কৰা মতে এই মূহুৰ্তত ৰাজু শ্ৰীবাস্তৱৰ অৱস্থা অতি সংকটজনক আৰু সেইবাবেই তেওঁক ভেণ্টিলেটৰৰ সহায়ত ৰখা হৈছে ।
‘Gajodhar Bhaiya’ নামেৰে জনপ্ৰিয় ৰাজুৰ ৱৰ্কফ্ৰন্টৰ কথা ক’বলৈ গ’লে তেওঁ দেশৰ এজন বিখ্যাত ষ্টেণ্ড আপ কমেডিয়ান । প্ৰথমবাৰৰ বাবে তেওঁক ‘Tezaab’ (১৯৮৮) ছবিখনত দেখা গৈছিল । ইয়াৰ পিছতে ৰাজুক ছলমান খানে বলীউডত আত্মপ্ৰকাশ কৰা ছবি ‘Maine Pyar Kiya’ (১৯৮৯), শ্বাহৰুখ খান, কাজোল আৰু শিল্পা শ্বেট্টীৰ অভিনীত ‘Baazigar’ (১৯৯৩), গোবিন্দাৰ ছবি ‘Aamdani Atthanni Kharcha Rupaiya’ত ( ২০০১) আৰু দেশৰ এক নম্বৰ কমেডিয়ান কপিল শৰ্মা অভিনীত ছবি ‘Firangi’ (২০১৭)ত বিশেষ চৰিত্ৰত দেখা গৈছিল ।
টিভি ধাৰাবাহিকৰ বিষয়ে ক’বলৈ গ’লে তেওঁক প্ৰথমবাৰৰ বাবে দেখা গৈছিল ১৯৯৪ চনত দূৰদৰ্শনত প্ৰচাৰিত হোৱা কমেডী শ্ব’ ‘টি টাইম মনোৰঞ্জন’ত । ইয়াৰ পিছতে ৰাজুৱে ‘দ্য গ্ৰেট ইণ্ডিয়ান ল’টাৰ চেলেঞ্জ’ নামৰ কমেডী শ্ব’টোৰে দৰ্শকক বহুত আমোদ প্ৰদান কৰিছিল ৷ ইয়াৰ জৰিয়তে ৰাজু শ্ৰীবাস্তৱে কমেডীৰ জগতখনত এটা নতুন পৰিচয় লাভ কৰিলে ।
বলীউডৰ ছুপাৰষ্টাৰ ছলমান খানৰ আটাইতকৈ জনপ্ৰিয় অনুষ্ঠান ‘বিগবছ’ৰ ছিজন ৩ (২০০৯)ত ৰাজুক প্ৰতিযোগী হিচাপে দেখা গৈছিল ।
লগতে পঢ়ক : Shilpa Shetty age: এক্সন দৃশ্যগ্ৰহণৰ সময়ত আহত শিল্পা শেট্টী
