চিটাৰা ডেস্ক, 6 ডিচেম্বৰ : অনুৰাগীসকলে আগ্ৰহেৰে অপেক্ষা কৰি আছে শ্বাহৰুখ খান, দীপিকা পাডুকন আৰু জন আব্ৰাহাম অভিনীত বহু প্ৰতিক্ষীত ছবি ‘পাঠান’ৰ বাবে । 2023 চনৰ 25 জানুৱাৰীত গণৰাজ্য দিৱস উপলক্ষে ছবিখন মুক্তি পাব (Pathaan release date) । ছবিখনৰ টিজাৰ আৰু বহু পোষ্টাৰ ইতিমধ্যে মুকলি কৰা হৈছে ৷ এই সমূহে অনুৰাগীৰ উৎসুকতা দুগুণে বৃদ্ধি কৰিছে ।
উল্লেখযোগ্য যে শ্বাহৰুখ চাৰি বছৰৰ পাছত ৰূপালী পৰ্দালৈ ঘূৰি আহিছে । আকৰ্ষণীয় কথাটো হ’ল যে, এক্সন অৱতাৰত দেখিবলৈ পোৱা যাব কিং খানক ৷ এতিয়া ছবিখনৰ আন এখন পোষ্টাৰ মুকলি হৈছে, য’ত শ্বাহৰুখ খানক হাতত বন্দুক লৈ থকা দেখা গৈছে (Pathaan Poster)।
চলচ্চিত্ৰ নিৰ্মাতা যশ ৰাজ বেনাৰে ছবিখনৰ নতুন পোষ্টাৰ শ্বেয়াৰ কৰি লিখিছে, ‘যুদ্ধ কৰিবলৈ তেওঁ সদায় শ্বট্ গান পায়, পাঠানে যশ ৰাজৰ 50 বছৰ উদযাপন কৰে, অতি সোনকালে আপোনাৰ ওচৰৰ চিনেমা হলত হিন্দী, তামিল আৰু তেলুগু ভাষাত’ ।
ইয়াৰ পূৰ্বে ছবিখনৰ পৰিচালক সিদ্ধাৰ্থ আনন্দই ‘পাঠান’ ছবিখনৰ বিষয়ে বহু তথ্য শ্বেয়াৰ কৰিছিল । পৰিচালকে ‘পাঠান’ৰ শ্বুটিং কৰা দেশসমূহৰ নাম তালিকাভুক্ত কৰিছিল ।
- " class="align-text-top noRightClick twitterSection" data="
">
সিদ্ধাৰ্থ আনন্দে শেহতীয়াকৈ প্ৰকাশ কৰিছিল যে, তেওঁ তিনিজন বলীউড চুপাৰষ্টাৰ শ্বাহৰুখ খান, দীপিকা পাডুকন আৰু জন আব্ৰাহামৰ সৈতে এইখন চলচ্চিত্ৰৰ বাবে বিশ্বৰ আঠখন দেশ ভ্ৰমণ কৰিছিল, যাৰ ভিতৰত প্ৰথমখন হৈছে ভাৰত ৷ তাৰ পিছত ক্ৰমান্বয়ে স্পেইন, ইউএই, তুৰস্ক, ৰাছিয়া, চাইবেৰিয়া, ইটালী আৰু ফ্ৰান্স । অৰ্থাৎ এক্সন-ড্ৰামা আৰু ৰোমাঞ্চেৰে পৰিপূৰ্ণ 'পাঠান' বোলছবিখন পৃথিৱীৰ আঠখন দেশৰ মাজেৰে পাৰ হৈ ৰূপালী পৰ্দালৈ আহি আছে । চলচ্চিত্ৰখনৰ এক্সন পোষ্টাৰবোৰে যথেষ্ট ইতিবাচক সঁহাৰি লাভ কৰিছে ৷
ইয়াৰ পূৰ্বে শ্বাহৰুখ খানেও ‘পাঠান’ ছবিখনৰ বহুতো আপডেট নিজৰ ইনষ্টাগ্ৰামৰ জৰিয়তে অনুৰাগীৰ সৈতে শ্বেয়াৰ কৰিছে ৷ তাৎপৰ্যপূৰ্ণভাৱে টাইগাৰ শ্ৰফক ছবিখনত কেমিঅ’ চৰিত্ৰত দেখিবলৈ পোৱা যাব ।
লগতে পঢ়ক : Pathaan New Poster: পাঠানৰ নতুন পোষ্টাৰ শ্বেয়াৰ কৰি শ্বাহৰুখে অনুৰাগীক কি ক’লে
