চিটাৰা ডেস্ক, 23 নৱেম্বৰ : দক্ষিণৰ অভিনেতা নাগা চৈতন্যই 23 নৱেম্বৰত 36 বছৰ সম্পূৰ্ণ কৰিছে । নাগাৰ জন্ম হৈছিল 1986 চনৰ 23 নৱেম্বৰত হায়দৰাবাদত । টলীউডৰ জনপ্ৰিয় অভিনেতা অক্কিনেনী নাগাৰ্জুনৰ পুত্ৰ নাগা । এই বিশেষ দিনটোত নাগাই তেওঁৰ অনুৰাগীসকলক এক ডাঙৰ উপহাৰ আগবঢ়াইছে । নাগাৰ নতুন ছবি ‘কাষ্টডি’ৰ পৰা তেওঁৰ ফাৰ্ষ্ট লুক মুক্তি দিয়া হৈছে ।
ভেংকট প্ৰভুৰ পৰিচালনাত নিৰ্মিত ‘কাষ্টডি’ ছবিৰ ফাৰ্ষ্ট লুকত নাগাক শক্তিশালী চৰিত্ৰত দেখা গৈছে । আৰক্ষীয়ে অভিনেতাজনক চৌদিশৰ পৰা টানকৈ ঘেৰি ৰাখি তেওঁৰ ফালে বন্দুক টোৱাই থকা দেখা গৈছে । কালৈকো ভ্ৰূক্ষেপ নকৰা নাগাক শক্তিশালী ৰূপত দেখি অনুৰাগী সকল উৎফুল্লিত হৈ পৰিছে ।
- " class="align-text-top noRightClick twitterSection" data="
">
‘কাষ্টডি’ ছবিখন নাগাৰ 22 সংখ্যক ছবি । এই ছবিখন তেলুগু আৰু তামিল ভাষাত মুক্তি পাব ৷ এই ছবিখন নিৰ্মাণ কৰিছে ভেংকট প্ৰভুৱে আৰু ছবিখনৰ প্ৰযোজক শ্ৰীনিবাস চিত্তুৰী । ছবিখনৰ বাকী ষ্টাৰ কাষ্টৰ বিষয়ে কোনো তথ্য প্ৰকাশ কৰা হোৱা নাই আৰু ছবিখনৰ মুক্তিৰ তাৰিখ সম্পৰ্কতো একো তথ্য দিয়া হোৱা নাই ।
ইয়াৰ পূৰ্বে নাগাক দেখা গৈছিল বলীউডৰ ছবি ‘লাল সিং চড্ডা’ত । এই ছবিখনত তেওঁক বলীউডৰ চুপাৰষ্টাৰ আমীৰ খানৰ সৈতে দেখা গৈছিল । ছবিখনত তেওঁ সৈনিকৰ চৰিত্ৰত অভিনয় কৰিছিল ৷ বয়কট বলীউড ট্ৰেণ্ডৰ সময়ত ছবিখন মুক্তি পোৱা বাবে বক্স অফিচত ফ্লপ বুলি প্ৰমাণিত হয় ৷ ছবিখনৰ মুক্তিৰ সময়ত সামান্থা ৰুথ প্ৰভুৰ সৈতে বিবাহ বিচ্ছেদৰ বাবেও নাগা চৰ্চাত আছিল ৷
2017 চনত নাগা আৰু দক্ষিণৰ অভিনেত্ৰী সামান্থা ৰুথ প্ৰভুৰ বিবাহ ৰাজকীয় ষ্টাইলত হৈছিল ৷ বিবাহৰ চাৰি বছৰৰ পাছত পাৰস্পৰিক মতানৈক্যৰ বাবে নাগা আৰু সামান্থাৰ বিবাহ বিচ্ছেদ হয় । এতিয়া জানিব পৰা মতে দম্পতীহালে পুনৰ একেলগে হোৱাৰ প্ৰক্ৰিয়াত আছে ।
লগতে পঢ়ক : Bholaa teaser out: ভোলাৰ টিজাৰে কৌতূহল বৃদ্ধি কৰিছে দৰ্শকৰ মাজত
