চিটাৰা ডেস্ক, 13 আগষ্ট : ফৰেষ্ট গাম্পৰ (Forrest Gump) অফিচিয়েল হিন্দী অভিযোজন শেহতীয়া মুক্তিপ্ৰাপ্ত বলীউডৰ Mr. Perfectionist আমীৰ খান অভিনীত লাল সিং চাড্ডা ৷ মুক্তিৰ পূৰ্বৰ পৰাই ছবিখনকলৈ ছ’চিয়েল মিডিয়াত তোলপাৰ লাগি আছে ৷ মুক্তিৰ পিছত ছবিখনে লাভ কৰিছে মিশ্ৰিত প্ৰতিক্ৰিয়া ৷
এতিয়া লাল সিং চাড্ডাই ছ’চিয়েল মিডিয়াত দ্য একাডেমীৰ পৰা সমৰ্থন লাভ কৰিছে । শনিবাৰে দ্য একাডেমীৰ অফিচিয়েল হেণ্ডেলসমূহে ফৰেষ্ট গাম্প আৰু লাল সিং চাড্ডাৰ এটা ভিডিঅ’ কলাজ শ্বেয়াৰ কৰে । দ্য একাডেমীৰ এই পদক্ষেপে নেটিজেনসকলৰ পৰা মিশ্ৰিত সঁহাৰি লাভ কৰিছে, কিয়নো ছ’চিয়েল মিডিয়া ইউজাৰ সকলৰ এটা অংশই দ্য একাডেমীক আমীৰ অভিনীত ছবিখনৰ বাবে জনসংযোগ এজেন্সী হিচাপে কাম কৰাৰ অভিযোগ আনিছে ।
- " class="align-text-top noRightClick twitterSection" data="
">
অস্কাৰ বিজয়ী মূল ছবি ফৰেষ্ট গাম্পৰ ভাৰতীয় অভিযোজনে কেনেকৈ পুনৰ পূৰ্বৰ ছবিখনৰ যাদু সৃষ্টি কৰিছে তাৰ এক আভাস দিবলৈ ছ’চিয়েল মিডিয়াত শ্বেয়াৰ কৰিছে কলাজ কৰা ভিডিঅ’টি ৷ ছবিখন বৰ্জন কৰাৰ প্ৰচাৰ চলি থকাৰ মাজতে লাল সিং চাড্ডাই মুক্তি লাভ কৰে ।
এতিয়া দ্য একাডেমীৰ এই পোষ্টটো বহুতে লাল সিং চাড্ডাৰ নামত উৎসৰ্গিত কৰিছে বুলিও ধাৰণা কৰিছে । ইনষ্টাগ্ৰামত 31 হাজাৰতকৈয়ো অধিক লাইক লাভ কৰা এই পোষ্টটোৰ বাবে একাডেমী সমান্তৰালকৈ সমালোচনাৰো সন্মুখীন হৈছে ।
বক্স অফিচত ছবিখনৰ প্ৰদৰ্শনৰ কথা ক’বলৈ গ’লে খানৰ চিনেমাখনে ভাৰতীয় বক্স অফিচত মুক্তি পোৱাৰ প্ৰথম দিনাই ১২ কোটি টকা সংগ্ৰহ কৰাৰ বিপৰীতে দ্বিতীয় দিনাই ৭.২৬ টকা সংগ্ৰহ কৰিছে । ছবিখনত কৰীণা কাপুৰ খান আৰু মোনা সিঙেও গুৰুত্বপূৰ্ণ চৰিত্ৰত অভিনয় কৰিছে ।
লগতে পঢ়ক : Mukesh khanna controversy: নাৰীৰ শাৰীৰিক সম্ভোগৰ প্ৰয়োজনীয়তাক লৈ বিতৰ্কিত মন্তব্য মুকেশ খান্নাৰ
