চিটাৰা ডেস্ক, 12 নৱেম্বৰ: ছলমান খান আৰু কেটৰিণা কাইফৰ বাবে এই দীপাৱলী অতি বিশেষ । কিয়নো আজি মুক্তি লাভ কৰিলে ছলমান খানৰ বহু প্ৰত্যাশিত ছবি টাইগাৰ 3 ৷ এই ছবিখনৰ বাবে বহু দিনৰে পৰা অনুৰাগীয়ে আগ্ৰহেৰে অপেক্ষা কৰি আছিল ৷ অৱশেষত অন্ত পৰিল অনুৰাগীৰ অপেক্ষাৰ ৷ কিন্তু এতিয়া প্ৰশ্ন হয় ছবিখন চাই কেনেকুৱা পালে অনুৰাগীয়ে ৷ আশা কৰা ধৰণে দৰ্শকক মনোৰঞ্জন দিব পাৰিছে নে ছবিখন ? সেয়া জানিবলৈ পঢ়ক এই সম্পূৰ্ণ প্ৰতিবেদন ৷
আজি পোহৰৰ উৎসৱ দীপাৱলী ৷ সন্ধিয়া লক্ষ্মী পূজা আৰম্ভ হোৱাৰ আগতেই অনুৰাগীয়ে ছ’চিয়েল মিডিয়াত টাইগাৰ ৩ ছবিখনৰ ৰিভিউ দিবলৈ আৰম্ভ কৰিছে । এই ছবিখন চোৱাৰ পিচত অনুৰাগীয়ে ছ’চিয়েল মিডিয়াত প্ৰকাশ কৰিলে প্ৰতিক্ৰিয়া ৷
টুইটাৰত অনুৰাগীৰ প্ৰতিক্ৰিয়া
ছবিখন চোৱাৰ পিচত ব্যৱহাৰকাৰীয়ে ইয়াক YRF ৰ স্পাই ইউনিভাৰ্ছৰ এতিয়ালৈকে শ্ৰেষ্ঠ ছবি বুলি অভিহিত কৰে ।
এজন ব্যৱহাৰকাৰীয়ে লিখিছে - এই ছবিখন চোৱাৰ পিচত আমি মাথোঁ ক’ব পাৰো যে যদি কোনোবা আছে যি হৈছে শেষ একচন হিৰো, তেন্তে সেয়া হ’ল ছলমান খান ।
আন এগৰাকী ব্যৱহাৰকাৰীয়ে লিখিছে – ছবিখনত ছলমান খানৰ প্ৰৱেশ জুই লগাই দিয়ে ।
এজন ব্যৱহাৰকাৰীয়ে ছলমান খানৰ ছবিখনৰ ইমৰাণ হাছমীৰ সৈতে এটা দৃশ্যৰ ভিডিঅ’ ক্লিপ শ্বেয়াৰ কৰি কেপচনত লিখিছে- ইমৰাণ হাছমীৰ প্ৰৱেশো প্ৰচণ্ড ।
এজন ইউজাৰে লিখিছে যে ছলমান খানৰ ছবিখনৰ উন্মাদনা ব্যাপক ভাৱে দেখা পোৱা গৈছে ।
আন এজন ব্যৱহাৰকাৰীয়ে লিখিছে – যশন-ই-ছলমানিয়া ছবিৰ জ্বৰ আৰম্ভ হৈছে ।
