চিটাৰা ডেস্ক, 30 মে’: আজি (৩০ মে’) বলীউডৰ অভিনেতা-কমেডিয়ান কৃষ্ণা অভিষেকৰ ৪০ সংখ্যক জন্মদিন । জন্মদিনৰ এই বিশেষ ক্ষণত টিভিৰ জনপ্ৰিয় কমেডী শ্ব’ ‘দ্য কপিল শৰ্মা শ্ব’ৰ সঞ্চালক-অভিনেতা কপিল শৰ্মাই এখন সুন্দৰ ছবি পোষ্ট জন্মদিনৰ শুভেচ্ছা জনাইছে কৃষ্ণাক (Kapil Sharma Krushna Abhishek)।
- " class="align-text-top noRightClick twitterSection" data="
">
কপিল শৰ্মাই নিজৰ অফিচিয়েল ইনষ্টাগ্ৰামত অল ব্লেক লুকত নিজৰ আৰু কৃষ্ণাৰ এখন মৰমলগা ছবি শ্বেয়াৰ কৰিছে, য’ত তেওঁ কেপচনত এটা সুন্দৰ নোট লিখিছে (Krushna Abhishek birthday)। ছবিখন শ্বেয়াৰ কৰি তেওঁ লিখিছে, ‘‘মোৰ ভাই কৃষ্ণা অভিষেক জন্মদিনৰ শুভেচ্ছা থাকিল । সদায় সুখী হৈ থাকা, সুস্থ হৈ থাকা আৰু এনেকৈয়ে পৃথিৱীখনক মনোৰঞ্জন দি থাকা । লটছ অৱ লাভ ।’’
কপিলৰ এই পোষ্টটোৰ ওপৰত মন্তব্য কৰি কৃষ্ণাই লিখিছে, ‘‘ধন্যবাদ কপ্পু । তোমাক ভাল পাওঁ আৰু কি ধুনীয়া ছবি । এতিয়ালৈকে শ্ৰেষ্ঠ ছবি ।’’ একে সময়তে অভিনেতা বিন্দু সিঙেও কৃষ্ণক জন্মদিনৰ শুভেচ্ছা জনাই লিখিছে, ‘‘Be happy brother, lots of love, happy birthday’। আন অনুৰাগীসকলেও শ্ব’টোৰ স্বপ্নাক জন্মদিনৰ শুভেচ্ছা জনাইছে (HBD Krushna Abhishek)।
পোষ্ট কৰা ছবিসমূহত কপিল আৰু কৃষ্ণাক দেখা গৈছে সকলো ক’লা ৰঙৰ সাজত । কপিলক ক’লা চুট আৰু মেচিং ছানগ্লাছ পৰিধান কৰা দেখা গৈছে ৷ আনহাতে কৃষ্ণা অভিষেকে ক’লা টি-চাৰ্টৰ সৈতে মেচিং ব্লেজাৰ-পেণ্টৰ যোৰ কৰিছিল । ব্লেজাৰৰ হাতৰ আঁচলত সোণালী ৰঙত এম্ব্ৰয়ডাৰী কৰা হৈছে, যাৰ ফলত কৃষ্ণাৰ সাজ-পোছাক অধিক আদৰণীয় হৈ পৰিছে । এই ক’লা চুটটোত কৃষ্ণাক ডেছিং দেখা গৈছে ।
শেহতীয়াকৈ ‘দ্য কপিল শৰ্মা শ্ব’লৈ ঘূৰি আহিছে কৃষ্ণা অভিষেক । শ্ব’টোত ‘স্বপ্না’ৰ চৰিত্ৰত তেওঁক পুনৰ দেখা পাই তেওঁৰ অনুৰাগীসকল অতিশয় আনন্দিত হৈছিল । আনহাতে, কপিল শৰ্মাৰ ৱৰ্ক ফ্ৰণ্টৰ যদি কও তেন্তে তেওঁক শেষবাৰৰ বাবে দেখা গৈছিল ‘জ্ৱিগাটো’ ছবিত, য’ত তেওঁ ফুড ডেলিভাৰী বয়ৰ চৰিত্ৰত অভিনয় কৰিছিল ।
