চিটাৰা ডেস্ক, 7 ছেপ্টেম্বৰ: বলীউডৰ কিং শ্বাহৰুখ খানে পুনৰবাৰ নিজৰ নতুন ছবিৰে চিনেমাগৃহত আলোড়নৰ সৃষ্টি কৰিছে । অৱশেষত 7 ছেপ্টেম্বৰত সমগ্ৰ দেশতে মুক্তি লাভ কৰিলে তেওঁৰ বহু প্ৰত্যাশিত ছবি ‘জৱান’। ছবিখনক লৈ অনুৰাগীৰ মাজত আচৰিত ধৰণৰ উন্মাদনা দেখা গৈছে ।
এফালে মানুহে জন্মাষ্টমী উৎসৱ উদযাপন কৰি থকাৰ সময়তে আনফালে অনুৰাগীয়ে শ্বাহৰুখৰ ছবিখনক উদযাপন কৰিছে । আনকি নিশাৰ পৰাই অনুৰাগীয়ে ঢোল লৈ থিয়েটাৰৰ বাহিৰত সৃষ্টি কৰিছে উৎসৱমুখৰ পৰিৱেশ ৷ পুৱা 5 বজাৰ পৰা আৰম্ভ হৈছিল ছবিখনৰ প্ৰথমটো শ্ব’ ৷ নিশা টোপনি ক্ষতি কৰি হ’লেও অনুৰাগীয়ে পুৱাই কিং খানৰ এই ছবিখন উপভোগ কৰিবলৈ ছবিগৃহত ভিৰ কৰে ৷
ইফালে পত্নী প্ৰিয়াৰ সৈতে ছবিখনৰ প্ৰথমটো শ্ব’ চালে জৱানৰ পৰিচালকে
‘জৱান’ ছবিখন নিৰ্মাণ কৰা নিৰ্মাতা এটলীয়েও ছবিখনৰ প্ৰথম দিনৰ প্ৰথমটো শ্ব’ চাইছে । পৰিচালকজনে পত্নী কৃষ্ণা প্ৰিয়াৰ সৈতে চেন্নাইৰ এখন ছবিগৃহত এই ছবিখন উপভোগ কৰে ৷ কৃষ্ণা প্ৰিয়াই নিজৰ ইনষ্টাগ্ৰাম একাউণ্টত ইয়াৰ এখন ছবি শ্বেয়াৰ কৰিছে। ফটোখন শ্বেয়াৰ কৰি তেওঁ কেপচনত লিখিছে, ‘ছবিখনৰ প্ৰথম দিনৰ প্ৰথম শ্ব’ চাবলৈ গৈ আছো ।’
- " class="align-text-top noRightClick twitterSection" data="">
জৱানে সলনি কৰিলে ইতিহাস
উল্লেখ্য যে, 'জৱানে' মুক্তিৰ লগে লগে হিন্দী চিনেমাৰ ইতিহাস সলনি কৰিছে । কিয়নো বলীউডৰ প্ৰায়বোৰ ছবিৰ প্ৰথম দিনৰ শ্ব’ প্ৰায় ৯ বজাৰ পৰা আৰম্ভ হয় । কিন্তু জৱানৰ শ্ব’বোৰ পুৱা ৫ বজাৰ পৰাই আৰম্ভ হৈছে ।
প্ৰথম দিনৰ বক্স অফিচ সংগ্ৰহে গঢ়িব পাৰে অভিলেখ
ছবিখন মুক্তিৰ পূৰ্বে অনুমান কৰা হৈছিল যে ভাৰতত ছবিখনে প্ৰথম দিনা 65 কোটি টকা সংগ্ৰহ কৰিব পাৰে ৷ কিন্তু এই আনুমানিক সংখ্যা ইতিমধ্যেই ভংগ কৰিছে জৱানে ৷ ইতিমধ্যেই বক্স অফিচত 75 কোটি টকাৰ সংখ্যা পাৰ কৰিছে ছবিখনে ৷ অৱশ্যে মুঠ সংগ্ৰহ এতিয়ালৈকে অহা নাই যদিও এইখিনিৰ পৰা ক’ব পাৰি যে ছবিখনে গোটেই বিশ্বজুৰি 100 কোটিৰ টকাৰ ওপৰত সংগ্ৰহ কৰিব ৷
লগতে পঢ়ক: Shah rukh khan tweet: জৱানৰ পুৱতি নিশাৰ শ্ব’ৰ বাবে অনুৰাগীৰ সৈতে সাৰে থাকিল কিং খান
