চিটাৰা ডেস্ক, 15 জুলাই: বলীউডৰ বলিষ্ঠ অভিনেতা পংকজ ত্ৰিপাঠী তেওঁৰ আগন্তুক ৰাজনৈতিক প্ৰেক্ষাপটৰ ছবি ‘মে অটল হু’ৰ সৈতে ব্যস্ত । এই ছবিখনত অভিনেতা পংকজ ত্ৰিপাঠীয়ে ভাৰতৰ প্ৰাক্তন প্ৰধানমন্ত্ৰী অটল বিহাৰী বাজপেয়ীৰ চৰিত্ৰত অভিনয় কৰিবলৈ ওলাইছে । এই ছবিখনৰ কাম বহুদিন ধৰি চলি আছিল ।
এতিয়া ১৫ জুলাইত মে অটল হু ছবিখনৰ শ্বুটিং সম্পূৰ্ণ হৈছে । এই সন্দৰ্ভত পংকজ ত্ৰিপাঠী আৰু ছবি নিৰ্মাতাসকলে ছবিখনৰ শ্বুটিং সম্পূৰ্ণ হোৱাৰ বিষয়ে অৱগত কৰাৰ লগতে ছবিখনৰ এটা শ্বটো শ্বেয়াৰ কৰে । এই শ্বুটিঙত পংকজ ত্ৰিপাঠীয়ে অটল বিহাৰী বাজপেয়ীৰ চৰিত্ৰত শ্বুটিং কৰা দেখা গৈছে ।
শ্বুটিং শেষ কৰাৰ তথ্য দি পংকজে লিখিছে, এই ‘অটল’ যাত্ৰা চিৰদিনৰ বাবে স্মৰণীয় হৈ থাকিব! 'শ্ৰী অটল বিহাৰী বাজপেয়ী'ৰ দৰে মহান ব্যক্তিত্বৰ ব্যক্তিত্বৰ দিশটো ডাঙৰ পৰ্দাত উপলব্ধি কৰি নিজকে সৌভাগ্যৱান বুলি গণ্য কৰোঁ ।
‘মে অটল হু’ৰ বিষয়ে জানি লওক
'মে অটল হু'ৰ পৰিচালনা ৰবি জাধৱৰ আৰু ইয়াক ৰচনা কৰিছে ঋষি বীৰ্মানীয়ে । আপোনালোকক জনাই দিও যে, ছবিখনৰ লক্ষ্ণৌৰ শ্বুটিঙৰ সময়ত ছবি নিৰ্মাতাসকলে উত্তৰ প্ৰদেশৰ মুখ্যমন্ত্ৰী যোগী আদিত্যনাথক সাক্ষাৎ কৰি ছবিখনৰ দৈৰ্ঘ্যৰ বিষয়ে আলোচনা কৰে । আজি ১৫ জুলাই তাৰিখে ছবিখন সম্পূৰ্ণ হৈছে ।
আজি মুম্বাইত ছবিখনৰ চূড়ান্ত শ্বুটিং সম্পূৰ্ণ হৈছে । এই ছবিখন ৪৫ দিনত সম্পূৰ্ণ হৈছে । ছবিখনৰ দৃশ্যগ্ৰহণ মুম্বাই, দিল্লী, কানপুৰ আৰু লক্ষ্ণৌত কৰা হৈছে ।
ছবিখনত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ শৈশৱৰ পৰাই তেওঁৰ ৰাজনৈতিক যাত্ৰা ছবিখনৰ জৰিয়তে দেখুওৱা হ’ব । ছবিখন কেতিয়া মুক্তি পাব সেই সন্দৰ্ভত এতিয়াও কোনো তথ্য দিয়া নাই নিৰ্মাতাসকলে ।
উল্লেখ্য যে, এই ছবিখন ভানুশালী ষ্টুডিঅ’ লিমিটেড আৰু লিজেণ্ড ষ্টুডিঅ’ প্ৰডাকচনৰ অধীনত নিৰ্মাণ কৰা হৈছে । এই ছবিখনৰ প্ৰযোজক বিনোদ ভানুশালি, সন্দীপ সিং, ছেম খান আৰু কমলেশ ভানুশালী ।
লগতে পঢ়ক: Ravindra Mahajani passed away: মাৰাঠী চলচ্চিত্ৰ জগতৰ প্ৰবীণ অভিনেতা ৰবীন্দ্ৰ মহাজনীৰ দেহাৱসান
