চিটাৰা ডেস্ক, 28 অক্টোবৰ: বলীউডৰ অভিনেতা ইমৰাণ খান আজিকালি খুবেই চৰ্চাত আছে । নতুন ৰূপ আৰু কামবেকৰ বাবে শিৰোনাম দখল কৰিছে অভিনেতাগৰাকীয়ে । অৱশ্যে এতিয়ালৈকে ইমৰানে ছবিলৈ ঘূৰি অহাৰ সন্দৰ্ভত কোনো সুনিৰ্দিষ্ট তথ্য দিয়া নাই । ইফালে জানে তু...য়া জানে না ছবিখনৰ অৱতাৰত ইমৰাণক দেখি অনুৰাগীসকল এতিয়া উৎসাহিত হৈ পৰিছে । শেহতীয়াকৈ ছ’চিয়েল মিডিয়াত ভাইৰেল হৈছে এখন ফটো য’ত ইমৰাণ খান আৰু জেনেলিয়া দেশমুখক একেলগে দেখা গৈছে । ছবিখন মুক্তি পোৱাৰ ১৫ বছৰৰ পাছতো দুয়োজন তাৰকাক একেলগে দেখাৰ বাবে এতিয়া অনুৰাগীৰ সুখৰ অন্ত নোহোৱা হৈছে । দুয়োজনেই আজিও মানুহৰ প্ৰিয় হৈয়েই আছে ।
শেহতীয়াকৈ ইমৰাণ আৰু জেনেলিয়াই এখন ফটোৰ বাবে একেলগে পোজ দিয়া দেখা গৈছে । এই ফটোখন ছ’চিয়েল মিডিয়ালৈ অহাৰ লগে লগে অনুৰাগীসকল খুবেই আগ্ৰহী হৈ পৰা যেন দেখা গৈছে । ইফালে, ফটোখন ছ’চিয়েল মিডিয়াত ভাইৰেল হৈ পৰাত অনুৰাগীসকলে প্ৰশ্ন উত্থাপন কৰিছে যে দুয়োজনে জানে তু ইয়া জানে না ছবিখনৰ ছিকুৱেলৰ বাবে প্ৰস্তুতি চলাইছে নেকি ? বা জেনেলিয়া আৰু ইমৰাণক ইমান বছৰৰ পাছতো একেলগে দেখা গৈছে ।
আনহাতে, এজন ব্যৱহাৰকাৰীয়ে ফটোখনৰ কেপচনত লিখিছে, “এওঁলোকক লগ পালে সদায় ভাল লাগে ।” ফটোখনত জেনেলিয়া আৰু ইমৰাণ দুয়োজনকেই নিজৰ একেলগে হাঁহি পোজ দিয়া দেখা গৈছে, অভিনেত্ৰীগৰাকীক বগা টপ পৰিধান কৰাত অতি মৰমলগা দেখা গৈছে, আনহাতে ইমৰাণক বেইজ ৰঙৰ পেণ্টৰ সৈতে নীলা কলাৰযুক্ত টি-চাৰ্ট পৰিধান কৰি খুবেই এক্সাইটেড দেখা গৈছে ।
ফটোখন শ্বেয়াৰ কৰাৰ সময়ত অনুৰাগীয়ে উৎসাহ প্ৰকাশ কৰি কয় যে, নতুন কিবা এটা নিৰ্মাণ কৰা হৈছে নেকি ? আকৌ এবাৰ একেলগে দেখা পালে ভাল পাম । উল্লেখ্য যে, ১৫ বছৰৰ পাছত ইমৰাণ আৰু জেনেলিয়াক একেলগে দেখি অনুৰাগীসকল উৎসাহিত হৈ পৰা দেখা গ’ল ।
আন এজন অনুৰাগীয়ে লিখিছে, “জানে টু... মোৰ আটাইতকৈ প্ৰিয় ছবি । যদি তেওঁলোকে আকৌ একেলগে কাম কৰে তেন্তে মই পূৰ্বৰ তুলনাত আৰু অধিক জোৰেৰে চিঞৰিম ।’’ আন এজনে লিখিছে, “যদি তেওঁলোকে ছিকুৱেল নিৰ্মাণ কৰে তেন্তে জয় আৰু অদিতিক পিতৃ-মাতৃ আৰু কাহিনী আগবঢ়াই নিয়া হৈছে তেন্তে মই ভাল পাম ।”
সেয়া যিকি নহওক যদি পুনৰবাৰ জানে তু ইয়া জানে না ছবিখন নিৰ্মাণ কৰা হয় তেন্তে ছবিখনে দৰ্শকক ১৫ বছৰৰ পূৰ্বৰ সেই জানে তু ইয়া জানে নাৰ যি মাদকতা আছিলে ঠিক একেই মাদকতা দিব পাৰিব নে নাই সেয়া পৰবৰ্তী সময়তহে দেখা যাব ৷ কিন্তু ইমান দীঘলীয়া সময়ৰ পিছত ইমৰাণ-জেনেলিয়াক দেখাৰ পিছত অনুৰাগীৰ যি আগ্ৰহ সেয়া ছবিখনৰ প্ৰতি থকা তেওঁলোকৰ ভাব নিশ্চয় ফুটি উঠিছে ৷
লগতে পঢ়ক: Bigg Boss 17: মান্নাৰাক পৰিণীতিৰ ডুপ্লিকেট আখ্যা অভিষেকৰ
