চিটাৰা ডেস্ক, 18মে’ : আন্তৰ্জাতিক ভাৰতীয় চলচ্চিত্ৰ একাডেমীয়ে আইফা বঁটাৰ 22 তম সংস্কৰণ জুলাইলৈ পিছুৱাই দিয়াৰ কেইদিনমানৰ পিছতে আয়োজক সকলে ঘোষণা কৰে যে এই তিনিদিনীয়া অনুষ্ঠানটি এতিয়া 2 জুনৰ পৰা আৰম্ভ হ'ব । এই বাৰ্ষিক অনুষ্ঠানটি পূৰ্বতে আবু ধাবিৰ য়াছ আইলেণ্ডত মে’ মাহত অনুষ্ঠিত হোৱাৰ কথা আছিল । কিন্তু ইউ.এ.ইৰ ৰাষ্ট্ৰপতি আৰু আবু ধাবিৰ শাসক শ্বেখ খলিফা বিন জায়েদ আল নাহিয়ানৰ মৃত্যুৰ বাবে 40 দিনীয়া শোক ঘোষণা কৰাৰ পিছত আইফা বঁটাৰ 22 তম সংস্কৰণ জুলাইলৈ পিছুৱাই দিয়া হয় ( IIFA Awards abu dhabi) ৷
আন্তৰ্জাতিক ভাৰতীয় চলচ্চিত্ৰ একাডেমীয়ে মঙলবাৰে নিশা জাৰি কৰা এক প্ৰেছ বিবৃতিত বঁটা প্ৰদান অনুষ্ঠানৰ নতুন তাৰিখ ঘোষণা কৰে । বলীউডৰ চুপাৰষ্টাৰ ছলমান খান আৰু অভিনেতা ৰিতেশ দেশমুখে বহু প্ৰতীক্ষিত অনুষ্ঠানটো হ’ষ্ট কৰিব ( IIFA Awards host 2022) ৷
আইফা বঁটাৰ 22 তম সংস্কৰণত ৰণবীৰ সিং, কাৰ্তিক আৰিয়ান, বৰুণ ধাৱান, চাৰা আলী খান, অনন্যা পাণ্ডে, দিব্যা খোচলা কুমাৰ আৰু নোৰা ফাতেহীকে ধৰি চিনে চেলিব্ৰিটীসকলে অনুষ্ঠান পৰিৱেশন কৰিব । সংস্কৃতি আৰু পৰ্যটন বিভাগ আবু ধাবি আৰু মিৰালৰ সহযোগত আবু ধাবিৰ য়াছ আইলেণ্ডৰ য়াছ বে ৱাটাৰ ফ্ৰণ্টৰ এক অংশ ইতিহাদ এৰেনাত এই অনুষ্ঠানটি অনুষ্ঠিত হ'ব ( IIFA Awards venue)।
লগতে পঢ়ক: কান চলচ্চিত্ৰ মহোৎসৱ 2022 ত তামান্না ভাটিয়াই পিন্ধিলে এটা বল গাউন
