চিটাৰা ডেস্ক, ২০ আগষ্ট: অভিষেক বচ্চন আৰু ছাইয়ামি খেৰৰ অভিনীত ছবি ‘ঘূমাৰ’ মুক্তি লাভ কৰিছে ছবিগৃহত । ছবিখনে সমালোচকৰ লগতে চেলিব্ৰিটিৰ পৰাও যথেষ্ট প্ৰশংসা লাভ কৰিছে ৷ কিন্তু ইয়াৰ বিপৰীতে ছবিখনে বক্স অফিচত উপাৰ্জন কৰিবলৈও সংগ্ৰাম কৰি আছে । গদৰ ২ আৰু অ’এমজি ২ মুক্তিৰ দ্বিতীয় সপ্তাহত মুক্তি পোৱা ছবিখনে মুকলিৰ দিনা মাত্ৰ ৮৫ লাখ টকা উপাৰ্জন কৰিছে । একে সময়তে ছবিখনৰ দ্বিতীয় দিনৰ সংকলনো প্ৰকাশ পাইছে, যিটো প্ৰথম দিনতকৈ ভাল, কিন্তু গদৰ ২ আৰু অ’এমজি ২ৰ সন্মুখত যেন এয়া একোৱেই নহয় ।
দ্বিতীয় দিনা ‘ঘূমাৰ’ৰ উপাৰ্জন কিমান ?
অভিষেক বচ্চন আৰু ছাইয়ামি খেৰৰ অভিনীত ছবিখনে লাভ কৰিছে ভাল সমালোচনা । ছবিখনত অভিষেক বচ্চনৰ অভিনয়েও যথেষ্ট প্ৰশংসা লাভ কৰিছে যদিও ছবিখনে মুকলিৰ দিনৰে পৰা ছবিগৃহত সংগ্ৰহৰ বাবে সংগ্ৰাম কৰি আছে । অৱশ্যে প্ৰথম দিনৰ তুলনাত দ্বিতীয় দিনা ছবিখনে কিছু ভাল ফলাফল দেখুৱাইছে ৷ প্ৰথম উইকেণ্ডৰ পৰা নিৰ্মাতাসকলৰ বহু আশা যদিও সেই আশা পূৰ নহ’ল নিৰ্মাতাসকলৰ ৷
খবৰ অনুসৰি দ্বিতীয় দিনা ঘূমাৰে ১.২০ কোটি টকা উপাৰ্জন কৰিছে । ইয়াৰ পিচত এতিয়ালৈকে ছবিখনৰ মুঠ সংগ্ৰহ হৈছেগৈ ২.০৫ কোটি টকা । শনিবাৰে ছবিখনৰ নাইট শ্ব’ বহুত দেখা হৈছিল । হিন্দী ভাষাৰ শ্ব’ৰ দখল আছিল ২৯.৯৭ শতাংশ । ইয়াৰে মাত্ৰ ৫০.২২ শতাংশ নাইট শ্ব’ আছিল । একে সময়তে উইকেণ্ডৰ আৰু এটা দিন অৰ্থাৎ দেওবাৰ বাকী আছে । এনে পৰিস্থিতিত এই ছবিখনে কিমান সংগ্ৰহ কৰিব পাৰে সেয়া লক্ষণীয় হ’ব ৷
আৰ বাল্কী, ৰাহুল সেনগুপ্ত আৰু ঋষি বীৰমণিয়ে লিখা এই ছবিখন পৰিচালনা কৰিছে বাল্কীয়ে । সংবাদ মাধ্যমৰ খবৰ অনুসৰি এই ছবিখন ২০ কোটি বাজেটত নিৰ্মাণ কৰা হৈছে ৷ এতিয়া লক্ষণীয় হ’ব যে ছবিখনে ব্যয় কৰা ধন উঠাব পাৰিব নে নাই ৷
লগতে পঢ়ক: Ghoomar Box Office Collection Day 1: অভিষেকৰ ছবি ঘূমৰৰ বক্স অফিচৰ এদিনৰ সংগ্ৰহ কিমান জানেনে ?
