চিটাৰা ডেস্ক, 4 ছেপ্টেম্বৰ: 'Fukrey' প্ৰথম আৰু দ্বিতীয় খণ্ডৰ সফলতাৰ পিচত নিৰ্মাতাই ঘোষণা কৰিছে ছবিখনৰ তৃতীয়খণ্ড ৷ বৰুণ শৰ্মা, পুলকিত সম্ৰাট, পংকজ ত্ৰিপাঠী, ৰিচা চাড্ডা আৰু মনজোৎ সিঙৰ অভিনীত 'Fukrey 3'ৰ কথা বহু আগতেই ঘোষণা কৰা হৈছিল ।
ছবিখন সাজু হৈছিল যদিও কিবা কাৰণত নিৰ্মাতাসকলে ছবিখনৰ মুক্তিৰ তাৰিখ পিছুৱাই দিছিল । এইখিনিতে উল্লেখ কৰিব লাগিব যে, ফাৰহান আখতাৰ আৰু ৰিতেশ সিধৱানীয়ে প্ৰযোজনা কৰিছে এই ছবিখন ৷ ইফালে কিছুদিন পূৰ্বে ‘ছালাৰ’ৰ মুক্তিৰ তাৰিখ পিছুৱাই দিয়াৰ পিচত 'Fukrey 3’ৰ মুক্তিৰ তাৰিখ আগুৱাই দিয়া হৈছে ৷
এতিয়া শেহতীয়াকৈ 'Fukrey 3’ৰ বাবে অনুৰাগীৰ মাজত ছবিখনক লৈ বৃদ্ধি পাইছে এক্সছাইটমেন্ট ৷ লগতে ছবিখনৰ ট্ৰেইলাৰ কেতিয়া আহিব তাকো লৈ অনুৰাগীৰ মাজত চৰ্চা চলিছিল ৷ এতিয়া নিৰ্মাতাসকলে এই চাচপেন্সৰ অন্ত পেলাইছে ।
'চুচা'ৰ পৰা 'ভোলী পঞ্জাবন'লৈকে সকলোৰে লুক প্ৰকাশ
চুচাৰ পৰা আৰম্ভ কৰি ভোলী পঞ্জাবন, লালী আৰু হানী লৈকে ‘ফুক্ৰে’ৰ প্ৰতিটো চৰিত্ৰই ইতিমধ্যে অনুৰাগীৰ হৃদয়ত থিতাপি লৈছে । এতিয়া শেহতীয়াকৈ নিৰ্মাতাসকলে ‘ফুক্ৰে-৩’ৰ প্ৰতিগৰাকী তাৰকাৰ অনন্য পোষ্টাৰ অনুৰাগীৰ সৈতে শ্বেয়াৰ কৰিছে। ছবিখনত চুচাৰ চৰিত্ৰত অভিনয় কৰা বৰুণ শৰ্মাই শেহতীয়াকৈ নিজৰ ইনষ্টাগ্ৰাম একাউণ্টত সমগ্ৰ কাষ্টৰ লুক শ্বেয়াৰ কৰিছে।
পোষ্টাৰত বৰুণ শৰ্মাক ময়ুৰৰ সাজ-পোছাক পৰিধান কৰা দেখা গৈছে যদিও হানি ওৰফে পুলকিতক ওলমি থকা দেখা গৈছে। ইয়াৰ বাহিৰেও পণ্ডিত জীৰ চৰিত্ৰত অভিনয় কৰা পংকজ ত্ৰিপাঠীয়ে চশমা পৰিধান কৰি পথৰ মাজত বহি থকা দেখা গৈছে।
Fukrey 3 ৰ পোষ্টাৰত লালী ওৰফে মনজোৎ সিঙক প্ৰথম দুটা খণ্ডৰ দৰে স্তম্ভিত আৰু বিচলিত দেখা গৈছে, আনহাতে 'ভোলী পঞ্জাবন' ৰিচা চাড্ডাই গুণ্ডাগিৰিৰ পৰা ৰাজনীতিলৈ গতি কৰিছে। এই সকলোবোৰ পোষ্টাৰ যথেষ্ট আকৰ্ষণীয় আছিল ।
কেতিয়া মুক্তি পাব ‘ফুক্ৰে-৩’ৰ ট্ৰেইলাৰ
ছবিখনৰ সমগ্ৰ অভিনেতা-অভিনেত্ৰীৰ পোষ্টাৰ শ্বেয়াৰ কৰি বৰুণ শৰ্মাই কেপচনত লিখিছে, "ফুক্ৰেৰ দলটোৰ সৈতে এই অন্তিম জুগাড়ৰ বাবে সাজু হওক"। ইয়াৰ উপৰিও বৰুণে তেওঁৰ কেপচনত এই কথাও জনাইছে যে 'ফুক্ৰে-৩'ৰ ট্ৰেইলাৰ ৫ ছেপ্টেম্বৰ অৰ্থাৎ মঙলবাৰে মুক্তি পাব ।
উল্লেখ্য যে এই ছবিখন ডিচেম্বৰ মাহৰ শেষত মুক্তি পাবলগীয়া আছিল । কিন্তু এতিয়া মেকাৰে ‘ছালাৰ’ ৰ মুক্তি পিছুৱাই দিয়াৰ পিচত ২৮ ছেপ্টেম্বৰত ‘জৱান’ৰ পিচত ‘ফুক্ৰে-৩’ মুকলি হ’ব ছবিগৃহত । এই ছবিখনে বক্স অফিচত বিবেক অগ্নিহোত্ৰীৰ ছবি ‘দ্য ভেকচিন ৱাৰ’ৰ সৈতে সংঘৰ্ষ কৰা দেখা যাব ।
লগতে পঢ়ক: Bambai Meri Jaan Trailer: ভোক আৰু সততাৰ মাজত সংঘৰ্ষ, বম্বাই মেৰী জানৰ ট্ৰেইলাৰ মুকলি
