চিটাৰা ডেস্ক, 27 মাৰ্চ: মহিলা বিশ্ব বক্সিং চেম্পিয়নশ্বিপত অভিলেখ ভাৰতীয় বক্সাৰৰ (Womens World Boxing Championship 2023)। মহিলা বিশ্ব বক্সিং চেম্পিয়নশ্বিপৰ ফাইনেলত স্বৰ্ণ পদক লাভ কৰি ভাৰতলৈ গৌৰৱ কঢ়িয়াই আনিছে লাভলীনা বৰগোহাঁই আৰু নিখাত জাৰিনে ৷ লাভলীনা বৰগোহাঁয়ে ৭৫ কেজি শাখাত স্বৰ্ণ পদক লাভ কৰাৰ বিপৰীতে নিখাত জাৰিনে ৫০ কেজি শাখাত স্বৰ্ণ পদক লাভ কৰে (Lovlina Borgohain) ৷ ইয়াৰ পিচতে চেলিব্ৰিটিৰ পৰা আৰম্ভ কৰি ক্ৰীড়াপ্ৰেমী তথা ৰাজনৈতিক নেতালৈকে সকলোৱে নিখাত আৰু লাভলীনাৰ সাফল্যৰ প্ৰশংসা কৰা দেখা যায় ।
বলীউডৰ কুইন কংগনা ৰানাৱটৰ পৰা অভিনেতা অভিষেক বচ্চনৰ পৰা ফাৰহান আখতাৰলৈকে বক্সাৰ দুগৰাকীক অভিনন্দন জনোৱাৰ লগতে ভাৰতক গৌৰৱান্বিত আৰু উজ্জ্বল কৰি তোলাৰ বাবে ধন্যবাদ জ্ঞাপন কৰে (Celebs hail Lovlina Borgohain) । নিজৰ ইনষ্টাগ্ৰাম ষ্ট’ৰীজত বলীউডৰ কুইন কংগনা ৰানাৱটে নিজ নিজ শাখাত জয়লাভ কৰা লাভলীনা, নিখাত আৰু নিতুক উৎসৰ্গিত কৰি তিনিটা ভিন্ন পোষ্ট শ্বেয়াৰ কৰে । শেষৰ পোষ্টত অভিনেত্ৰীগৰাকীয়ে লিখিছে, "নৱৰাত্ৰি মে ওমেন আৰ অন ফাইৱাৰ।"
ক্ৰীড়াপ্ৰেমী আৰু ব্যৱসায়ী অভিনেতা অভিষেক বচ্চনে নিখাত আৰু লাভলীনাক স্বৰ্ণ জয়ৰ বাবে অভিনন্দন জ্ঞাপন কৰে । অভিষেকে ইনষ্টাগ্ৰাম ষ্ট’ৰীছত লাভলীনা আৰু নিখাতৰ ফটো শ্বেয়াৰ কৰি লিখিছে, "মহিলা বিশ্ব বক্সিং চেম্পিয়নশ্বিপ ২০২৩ ত স্বৰ্ণ পদক জয়ৰ বাবে অভিনন্দন, নিখাত জাৰিন আৰু লাভলিনা বৰগোহাঁই । আপোনালোকৰ কঠোৰ পৰিশ্ৰম আৰু নিষ্ঠাৰ ফল পোৱাৰ বাবে আমি আপোনালোকক লৈ গৌৰৱান্বিত।
ইফালে ফাৰহান আখতাৰেও বক্সিং চেম্পিয়নসকলৰ বাবে অভিনন্দন বাৰ্তা শ্বেয়াৰ কৰে । প্ৰতিযোগিতাৰ ভিডিঅ’ ক্লিপ আৰু ফটো শ্বেয়াৰ কৰি ফাৰহানে লিখিছে- ভাল কাম কৰিছা নিখাত জাৰিন । আমি আপোনাক লৈ গৌৰৱান্বিত । লাভলীনাৰ বাবে অভিনেতাগৰাকীয়ে লিখিছে- এক অসাধাৰণ জয়..!
উল্লেখ্য যে, ডিফেণ্ডিং বিশ্ব চেম্পিয়ন নিখাত ৫০ কেজি শাখাত ভিয়েটনামৰ নুয়েম থি টামক পৰাস্ত কৰি একেৰাহে দ্বিতীয় বছৰৰ বাবে সোণৰ পদক লাভ কৰাৰ বিপৰীতে টকিঅ’ অলিম্পিকৰ ব্ৰঞ্জৰ পদক বিজয়ী লাভলীনা ৭৫ কেজি শাখাত ৫- ৮৪ৰ গ’লত প্ৰথমবাৰৰ বাবে বিশ্বৰ সোণৰ পদক লাভ কৰি অভিলেখ গঢ়িবলৈ সক্ষম হয় । অসম কন্যা লাভলীনাই অষ্ট্ৰেলিয়াৰ বক্সাৰ কেটলিন পাৰ্কাৰক পৰাস্ত কৰি লাভ কৰে এই স্বৰ্ণ পদক (Celebs hail Nikhat Zareen) ৷
ইফালে এই জয়ৰ লগে লগে বক্সিং ছুপাৰষ্টাৰ মেৰী কমৰ পিচত বিশ্ব চেম্পিয়নশ্বিপত দুটাকৈ সোণৰ পদক লাভ কৰা একমাত্ৰ আন এগৰাকী ভাৰতীয় মহিলা যুঁজাৰু হিচাপে পৰিগণিত হৈছে নিখাত । নিতু ঘাংঘাছ (৪৮ কেজি) আৰু সাৱীতি বুৰা (৮১ কেজি) আন স্বৰ্ণ পদক বিজয়ী হৈ নিখাত আৰু লাভলীনাৰ সৈতে যোগদান কৰে । বিশ্ব চেম্পিয়নৰ খিতাপ লাভ কৰা সকলো বক্সাৰে ৮২.৭ লাখ টকা (১ লাখ ডলাৰ) পুৰস্কাৰৰ ধন লাভ কৰে ।
লগতে পঢ়ক: Womens World Boxing Championship 2023 : মহিলা বক্সিং চেম্পিয়নশ্বিপত লাভলীনাৰ অভিলেখ
