চিটাৰা ডেস্ক, 22 নৱেম্বৰ: চলিত বৰ্ষৰ বৰদিন উপলক্ষে মুক্তি পাব শ্বাহৰুখ খানৰ ছবি ‘ডাংকি’ । পাঠান আৰু জৱান উপভোগ কৰা পিচত এতিয়া অনুৰাগীয়ে আগ্ৰহেৰে অপেক্ষা কৰি আছে শ্বাহৰুখ খানৰ এই ছবিখনৰ বাবে । শেহতীয়াকৈ ছবিখনৰ প্ৰথম টিজাৰ মুকলি কৰিছিল নিৰ্মাতাই ৷ এতিয়া ছবিখনৰ প্ৰথমটি গীত মুকলি কৰিছে নিৰ্মাতাই ৷ আজি মুকলি হ’ল ডাংকিৰ ‘লুট-পুট’ গীত ।
- " class="align-text-top noRightClick twitterSection" data="">
'ডাংকি'ৰ প্ৰথমটো গীত ‘লুট-পুট’ মুকলি
‘লুট-পুট’ গীতটি এটি ৰোমান্টিক ট্ৰেক, য’ত শ্বাহৰুখ খানক তাপসী পান্নুৰ বাবে নিজৰ প্ৰেম প্ৰকাশ কৰা দেখা যায় । দুয়োৰে কেমিষ্ট্ৰী গীতটিত খুব ধুনীয়াকৈ দেখুওৱা হৈছে । এই গীতটিত কণ্ঠদান কৰিছে অৰিজিৎ সিঙে । ইফালে গীতটি ৰচনা কৰিছে প্ৰীতমে । গীতৰ কথা লিখিছে স্বানন্দ কিৰকিৰে আৰু আই পি সিঙে ।
- " class="align-text-top noRightClick twitterSection" data="">
কেনেকুৱা আছিল ছবিখনৰ টিজাৰ ?
শেহতীয়াকৈ ছবিখনৰ প্ৰথম ড্ৰপত নিৰ্মাতাসকলে মুকলি কৰিছিল ছবিখনৰ টিজাৰ ৷ টিজাৰটোৱে দৰ্শকৰ পৰা যথেষ্ট ইতিবাচক সঁহাৰি লাভ কৰিছিল । চেঞ্চৰ ব’ৰ্ডে টিজাৰটোক দিছিল ইউ চাৰ্টিফিকেট । ছবিখনৰ দুটা টিজাৰ মুক্তি পোৱাৰ খবৰ আহিছিল । অৱশ্যে এতিয়ালৈকে কেৱল এটা টিজাৰ হে মুকলি হৈছে ৷ উল্লেখ্য যে, শ্বাহৰুখ খানৰ ডাংকি ছবিখন ‘জৱান’ আৰু ‘পাঠান’ৰ পৰা সম্পূৰ্ণ পৃথক হ’ব । ছবিখনত শ্বাহৰুখৰ উপৰিও তাপসী পান্নু আৰু বিকি কৌশলকো গুৰুত্বপূৰ্ণ চৰিত্ৰত দেখা যাব ।
এই ছবিখনৰ কাহিনী
ছবিখনৰ কাহিনীৰ কথা ক’বলৈ গ’লে ইংলেণ্ডলৈ যোৱাৰ সপোন দেখা চাৰিজন বন্ধুৰ কাহিনী চিত্ৰিত কৰিছে ছবিখনত । অনুৰাগীয়ে আগ্ৰহেৰে অপেক্ষা কৰি আছে শ্বাহৰুখৰ এই ছবিখনৰ বাবে ।
লগতে পঢ়ক: অ’টিটিত জৱানে ভংগ কৰিলে আন এক অভিলেখ, আনন্দত কিং খানে ক’লে এই কথা
