চিটাৰা ডেস্ক, 13 অক্টোবৰ : মেঘান মাৰ্কেলৰ প’ডকাষ্টত অলপতে উপস্থিত হৈছিল দীপিকা পাডুকন । প’ডকাষ্টটোৱে বিভিন্ন বিষয় আৰু দিশ সামৰি লৈছিল কিন্তু এটা নিৰ্দিষ্ট খণ্ডই সকলোৰে মনোযোগ আকৰ্ষণ কৰিবলৈ সক্ষম হৈছিল । উক্ত খণ্ডটোত দীপিকাই পৰোক্ষভাৱে তেওঁৰ বিবাহিত জীৱনত সমস্যা সৃষ্টি হোৱাৰ বাতৰি খণ্ডন কৰে আৰু নিশ্চিত কৰে যে ৰণবীৰৰ সৈতে সকলো ঠিকেই আছে ।
প’ডকাষ্টত মেঘানৰ সৈতে কথা পাতি দীপিকাই কয় যে, ৰণবীৰ এটা সংগীত উৎসৱত অংশগ্ৰহণ কৰিবলৈ গৈ এসপ্তাহ ধৰি আঁতৰত আছে আৰু যেতিয়া তেওঁ ঘূৰি আহিব তেতিয়া ৰণবীৰ দীপিকাক দেখি সুখী হ’ব । দীপিকাই কয়, "মোৰ স্বামী এসপ্তাহ ধৰি এটা সংগীত উৎসৱত আছিল আৰু তেওঁ মাত্ৰ ঘৰলৈ উভতি আহিছে । গতিকে, তেওঁ মোৰ মুখখন দেখি সুখী হ'ব" ৷
খণ্ডটোৰ পিছত দুয়োৰে অনুৰাগীসকলে স্বস্তিৰে নিশ্বাস পেলাই কিয়নো তেওঁলোকৰ বিভাজনৰ বিষয়ে বাতৰি শুনি বিচলিত হৈছিল অনুৰাগী । বিগত মাহত ছ'চিয়েল মিডিয়াত তেওঁলোকৰ বিচ্ছেদৰ বিষয়ে বাতৰি ওলাইছিল । দুয়োজন তাৰকাই এই সন্দৰ্ভত মন্তব্য দিয়াত সঁচাকৈয়ে কোনো মনোযোগ দিয়া নাছিল ৷ ইনষ্টাগ্ৰামত এজনে আনজনৰ ফটোত দিয়া কমেণ্ট দেখিয়ে অনুৰাগীসকলে স্বস্তিৰ নিশ্বাস এৰিছিল !
যোৱা সপ্তাহত ৰণবীৰে ছ’চিয়েল মিডিয়াত তেওঁৰ হট পিংক লুক অৱতাৰৰ ছবি শ্বেয়াৰ কৰিছিল । পেণ্টৰ পৰা আৰম্ভ কৰি চাৰ্ট, জোতা আৰু শ্বেডলৈকে ৰণবীৰে মূৰৰ পৰা ভৰিলৈকে গোলাপী ৰঙৰ সাজ পৰিধান কৰিছিল । ৰণবীৰৰ এই ফটোসমূহে বহু প্ৰতিক্ৰিয়া লাভ কৰিছে । দীপিকায়ো ৰণবীৰৰ এই ফটোত কমেণ্ট কৰিছিল (Deepika Padukone Ranveer Singh marriage trouble) ৷
6 বছৰ ধৰি ডেট কৰাৰ পিছত 2018 চনৰ 14 নৱেম্বৰত ৰণবীৰ আৰু দীপিকা বিবাহপাশত আবদ্ধ হয় । শেহতীয়াকৈ কেইবাটাও বাতৰি ভাইৰেল হৈ পৰিছে য’ত দাবী কৰা হৈছে যে, দুয়োৰে সম্পৰ্কত সমস্যাই দেখা দিছে । দীপিকা আৰু ৰণবীৰৰ ইনষ্টাগ্ৰাম এক্টিভিটিয়ে প্ৰমাণ কৰিছে যে, সেই বাতৰিবোৰ কেৱল উৰাবাতৰিহে ।
কৰ্মক্ষেত্ৰত দীপিকাক শ্বাহৰুখ খানৰ সৈতে 'পাঠান'ত দেখিবলৈ পোৱা যাব, য'ত জন আব্ৰাহামও অভিনয় কৰিছে । এক্সন ড্ৰামাখন 2023 চনৰ 25 জানুৱাৰীত ছবিগৃহত মুক্তি পাব । দীপিকাক অমিতাভ বচ্চনৰ সৈতে 'দ্য ইণ্টাৰ্ন'ত আৰু দক্ষিণৰ অভিনেতা প্ৰভাসৰ সৈতে এখন পান-ইণ্ডিয়া ছবি 'প্ৰজেক্ট-কে'ত দেখিবলৈ পোৱা যাব । হৃত্বিক ৰোশনৰ সৈতে 'ফাইটাৰ' ছবিখনো দীপিকাৰ হাতত আছে (Deepika Padukone upcoming movies) ৷
লগতে পঢ়ক : Mur xekh gaan: 14 অক্টোবৰত আহি আছে মোৰ শেষ গান
