Cannes 2022: একেলগে নৃত্য কৰিলে দীপিকাসহ আন বলীউড অভিনেত্ৰীয়ে

'কান চলচ্চিত্ৰ মহোৎসৱ ২০২২ ৰ এটা ভিডিঅ' ভাইৰেল হৈ পৰিছে । ভিডিঅ'টোত দীপিকা পাডুকন, উৰ্বশী ৰৌতেলা, পূজা হেগড়ে আৰু তামান্না ভাটিয়াই 'ঘূমৰ' গীতটোত নৃত্য কৰা দেখিবলৈ পোৱা গৈছে ৷

চিটাৰা ডেস্ক, 19মে’: ফ্ৰান্সত অনুষ্ঠিত হৈ আছে ৭৫ তম কান চলচ্চিত্ৰ মহোৎসৱ । ১৭ মে'ৰ পৰা আৰম্ভ হোৱা এই মহোৎসৱ ২৮ মে’লৈকে চলিব । এইবাৰ ভাৰতীয় চলচ্চিত্ৰ উদ্যোগৰ বহু তাৰকাই অংশ লৈছে এই মহোৎসৱত । এ আৰ ৰহমানো উপস্থিত হৈছেগৈ ফ্ৰান্সত (Cannes 2022 update) ৷ ইতিমধ্যেই কান মহোৎসৱলৈ যোৱা সকলো তাৰকাৰে নাম আৰু ফটো প্ৰকাশ পাইছে ।

সম্প্ৰতি ভাইৰেল হৈ পৰা কান মহোৎসৱৰ এটা ভিডিঅ'ত ভাৰতীয় অভিনেত্ৰীসকলক একেলগে নৃত্য কৰি থকা দেখিবলৈ পোৱা গৈছে । বিখ্যাত 'ঘূমৰ' শীৰ্ষক গীতটোত নৃত্য কৰিলে দীপিকা, তামান্না, পূজা আৰু উৰ্ৱশীয়ে (Bollywood actress in cannes 2022) ।

দৰাচলতে, কানত উপস্থিত হোৱা ভাৰতীয় প্ৰতিনিধি দলৰ এখন সন্মিলনত বিখ্যাত লোকসংগীত শিল্পী মামী খানে দীপিকা পাডুকন অভিনীত চুপাৰহিট ছবি 'পদ্মাৱত'ৰ 'ঘূমৰ' গীতটো গুণগুণাইছিল ৷ গীতটো শুনি দীপিকা পাডুকন, উৰ্বশী ৰৌতেলা, পূজা হেগড়ে আৰু তামান্না ভাটিয়াই নিজকে ৰখাব নোৱাৰিলে আৰু সকলোৱে একেলগ হৈ নৃত্য কৰিলে গানটোত ।

• Here at #IndiaPavilion #CannesFilmFestival2022 #Cannes2022 #dance #music #impromptu #TamannaahBhatia #DeepikaPadukone #Poojahedge #UrvashiRautela pic.twitter.com/qlN26zQJSi

  — asianculturevulture (@asianculturevul) May 18, 2022 " class="align-text-top noRightClick twitterSection" data="

  Here at #IndiaPavilion #CannesFilmFestival2022 #Cannes2022 #dance #music #impromptu #TamannaahBhatia #DeepikaPadukone #Poojahedge #UrvashiRautela pic.twitter.com/qlN26zQJSi

  — asianculturevulture (@asianculturevul) May 18, 2022

  ">

  Here at #IndiaPavilion #CannesFilmFestival2022 #Cannes2022 #dance #music #impromptu #TamannaahBhatia #DeepikaPadukone #Poojahedge #UrvashiRautela pic.twitter.com/qlN26zQJSi

  — asianculturevulture (@asianculturevul) May 18, 2022

ভিডিঅ'টোত গীতিকাৰ প্ৰসূন যোশী, মন্ত্ৰী অনুৰাগ ঠাকুৰ, এ আৰ ৰহমান আৰু চলচ্চিত্ৰ নিৰ্মাতা শেখৰ কাপুৰকে ধৰি ভাৰতীয় প্ৰতিনিধি দলৰ ১১ জন সদস্যকে দেখিবলৈ পোৱা গৈছে । এই বছৰ বলীউডৰ বহুতো তাৰকা কান মহোৎসৱত উপস্থিত হৈছে । সমান্তৰালকৈ দীপিকা পাডুকনে প্ৰথমবাৰৰ বাবে 'কান চলচ্চিত্ৰ মহোৎসৱ 2022'ত বিচাৰক হিচাপে যোগদান কৰিছে (Deepika Padukone in cannes 2022) । এই বাতৰিয়ে সমগ্ৰ বিশ্বতে ভাৰতীয় চলচ্চিত্ৰ উদ্যোগৰ নাম উজলাই তুলিছে ।

দীপিকা পাডুকনকে ধৰি সকলো অভিনেত্ৰীয়ে মহোৎসৱৰ পৰা অনুৰাগীসকলৰ সৈতে তেওঁলোকৰ ফটো শ্বেয়াৰ কৰিছে ৷ টিভিজগতৰ হেলী শ্বাহ আৰু হিনা খানেও কানত অংশ লোৱাৰ ফটো শ্বেয়াৰ কৰি আছে (Tv actress in cannes 2022) ।