চিটাৰা ডেস্ক, 30 ছেপ্টেম্বৰ: এই বৃহস্পতিবাৰে তিনিখনকৈ ডাঙৰ ছবি ক্ৰমে কংগনা ৰানাৱটৰ চন্দ্ৰমুখী ২, মৃগদ্বীপ সিং লাম্বাৰ ফুকৰে ৩ আৰু বিবেক অগ্নিহোত্ৰীৰ দ্য ভেকচিন ৱাৰে মুক্তি লাভ কৰাৰ ফলত বক্স অফিচত মুখামুখি প্ৰতিযোগিতাৰ সৃষ্টি হয় ৷
ছবিকেইখনে চিনেমা হলত ইতিমধ্যে দুদিন সম্পূৰ্ণ কৰিলে, ইফালে কংগনা ৰানাৱটৰ চন্দ্ৰমুখী, নানা পাটেকাৰ অভিনীত ছবি ভেকচিন ৱাৰ তথা ফুকৰে ৩য়ে তৃতীয় দিনা কেনেকুৱা ফলাফল দেখুৱালে চাওঁ আহক-
চেকনিল্কে প্ৰকাশ কৰা প্ৰাৰম্ভিক অনুমান অনুসৰি দ্য ভেকচিন ৱাৰে তৃতীয় দিনা ১.০৫ কোটি টকা নেট উপাৰ্জন কৰিবলৈ সক্ষম হয়, যিটো ইয়াৰ প্ৰথম দুদিনীয়া সংগ্ৰহতকৈ মাত্ৰ অলপ বেছি ৷ বিবেক অগ্নিহোত্ৰী ছবিয়ে এতিয়া আনুমানিক তিনিদিনীয়া মুঠ ২.৭৬ কোটি টকা সংগ্ৰহ কৰিবলৈ সক্ষম হয় ৷
ইফালে, দুদিনীয়া সংগ্ৰহৰ সময়চোৱাত উচিত পৰিমাণৰ ধন কঢ়িয়াই অনা কংগনা ৰানাৱটৰ চন্দ্ৰমুখী ২ ছবিয়ে তৃতীয় দিনটোত ৬.৬ কোটি টকা নেট সংগ্ৰহ কৰিবলৈ সক্ষম হয়, যাৰ ফলত ছবিখনে এতিয়ালৈকে মুঠ ১৯.৮৩ কোটি টকা সংগ্ৰহ কৰে ৷
আনহাতে, Fukrey 3য়ে মুকলি দিনৰ পৰাই বক্স অফিচত ব্যতিক্ৰমীভাৱে ভাল ফলাফল দেখুৱাইছে ৷ প্ৰাথমিক হিচাপ অনুসৰি তৃতীয় দিনটোত ছবিখনে ১০.৫২ কোটি টকা নেট উপাৰ্জন কৰাৰ সম্ভাৱনা আছে, যিটো এতিয়ালৈকে ইয়াৰ সৰ্বাধিক সংগ্ৰহ ৷ ছবিখনৰ মুঠ উপাৰ্জন এতিয়া মুঠ ২৭.২ কোটি টকাৰ উপাৰ্জন কৰিবলৈ সক্ষম হৈছে ৷
ইফালে, দ্য কাশ্মীৰ ফাইলছৰ বিপুল সফলতাৰ পিছত বিবেক অগ্নিহোত্ৰীয়ে আশা কৰিছিল যে দ্য ভেকচিন ৱাৰে বক্স অফিচতো ভাল ফলাফল দেখুৱাব ৷ কিন্তু সেই পৰিকল্পনা যেন সাৰ্থক নহ’ল, কিয়নো ফুকৰেৰ প্ৰতি থকা দৰ্শকৰ উন্মাদনাই যেন বিবেক অগ্নিহোত্ৰীৰ সেই সপোন যেন সাৰ্থক হ’বলৈ নিদিলে ৷ জনাই দিও যে, কংগনাৰ চন্দ্ৰমুখী ২ ছবিয়ে বক্স অফিচত মান্য নম্বৰ লাভ কৰি এতিয়ালৈকে প্ৰতিযোগিতাখনত ২য় স্থান লাভ কৰিছে ৷
লগতে পঢ়ক: Ganapath Teaser OUT: গণপতৰ টিজাৰ মুকলি, একচন অৱতাৰত দেখা গ’ল টাইগাৰ শ্ৰফ, কৃতি সেননক
