চিটাৰা ডেস্ক, 2 ছেপ্তেম্বৰ : - চুপাৰষ্টাৰ আমীৰ খানে আমীৰ খান প্ৰডাকচনৰ ইনষ্টাগ্ৰাম পেজত এটা ক্ষমাপ্ৰাৰ্থনাৰ ভিডিঅ’ আপলোড কৰাৰ পিছতে নেটিজেনসকলৰ মাজত হুৱাদুৱা লাগে ৷ ভিডিঅ’ ক্লিপটোৰ আৰম্ভণিতে ‘MICHAMI DUKKADUM’ শব্দটো দেখিবলৈ পোৱা গৈছে যাৰ অৰ্থ হৈছে ‘যি অশোভনীয় কাৰ্য্য হৈছে সেইয়া সকলো অসাৰ হওক’ ।
ভিডিঅ’টোত থকা ব্যাখ্যা এনেধৰণৰ... "আমি সকলো মানুহ আৰু ভুল আমাৰ হাততেই হয় । কেতিয়াবা কথাৰে আৰু কেতিয়াবা আমাৰ কাৰ্য্যৰে, কেতিয়াবা ধেমালি নতুবা কেতিয়াবা খঙেৰে অজানিতে আমি কাৰোবাক আঘাত দিও ৷ মই যদি আপোনালোকৰ মনত আঘাত দিছো তেন্তে মনৰ পৰা ক্ষমা বিচাৰিছো" ৷ ভিডিঅ’ ক্লিপটোৰ বেকগ্ৰাউণ্ড মিউজিকত বাজিছে শ্বাহৰুখৰ হিট গান কল হো না হো ৷
পোষ্টটোত প্ৰতিক্ৰিয়া প্ৰকাশ কৰি এজন ব্যৱহাৰকাৰীয়ে মন্তব্য কৰে যে, "দেখাত কোনোবাই তেওঁৰ একাউণ্টটো হেক কৰা যেন অনুমান হয় । "লাল সিং চাড্ডাৰ ব্যৰ্থতাৰ বাবে এটা ক্ষমাপ্ৰাৰ্থনা?" এইদৰে লিখিলে আন এজনে । আমীৰৰ ‘লাল সিং চাড্ডা’ ছবিখন বক্স অফিচত ব্যৰ্থ হোৱাৰ কিছুদিন পিছতে এই পোষ্টটো প্ৰকাশ পাইছে ।
- " class="align-text-top noRightClick twitterSection" data="
">
বিগত সময় কিছুমানত আমীৰে দিয়া বিতৰ্কিত মন্তব্যসমূহ ছবিখনৰ মুক্তিৰ পূৰ্বে ভাইৰেল হৈ আছিল ৷ ছবিখন মুক্তিৰ পূৰ্বে এই কাৰ্যই ছবিখন আৰু ইয়াৰ অভিনেতা-অভিনেত্ৰীসকলক বিপাঙত পেলাছিল ৷ বয়কটবলীউড ট্ৰেণ্ডৰ লক্ষ্যলৈ আহিছিল লাল সিং চাড্ডা ছবিখন (boycott bollywood) ৷
লগতে পঢ়ক : বলীউড তাৰকা সকলে অতি ধুমধামেৰে উদযাপন কৰিলে গণেশ চতুৰ্থী
