চিটাৰা ডেস্ক, 14 ছেপ্টেম্বৰ: আমিৰ খানক বলীউডৰ মিষ্টাৰ পাৰফেক্টনিষ্ট বুলি গণ্য কৰা হয় । তেওঁ বহু ছুপাৰ ডুপাৰ হিট ছবি দৰ্শকক উপহাৰ দিছে । অৱশ্যে অভিনেতাগৰাকীৰ শেহতীয়া ছবি ‘লাল সিং চাড্ডা’ বিগ ফ্লপ হৈছিল ৷ ইয়াৰ পিচতে ছবিজগতৰ পৰা কিছু সময়ৰ বাবে বিৰতি লৈছে অভিনেতাগৰাকীয়ে। অৱশ্যে শীঘ্ৰেই ছবিজগতত পুনৰ উভতি অহাৰ সম্ভাৱনা আছে আমিৰ খানৰ । ইফালে তেওঁৰ পুত্ৰ জুনেইদ খানেও তেওঁৰ সৈতে ডাঙৰ পৰ্দাত প্ৰতিদ্বন্দ্বিতা কৰা দেখা যাব ৷ আচলতে আমিৰৰ পুত্ৰ জুনেইদে YRF ছবিৰে বলীউডত নায়কৰ ৰূপত আত্মপ্ৰকাশ কৰিবলৈ সাজু হৈছে ৷ অৱশ্যে এইখন হ’ব জুনেইদৰ দ্বিতীয়খন ছবি ৷ প্ৰথমখন ছবি মুক্তিৰ পোৱাৰ পূৰ্বেই আন এখন ছবিৰ ঘোষণা কৰিছে ৷ এই ছবিখনত তেওঁক দক্ষিণৰ এগৰাকী ডাঙৰ অভিনেত্ৰীৰ সৈতে ৰোমান্স কৰা দেখা যাব ।
দক্ষিণৰ এই সুন্দৰীগৰাকীৰ সৈতে জুনেইদে দ্বিতীয়খন ছবিত চুক্তিবদ্ধ হৈছে
সংবাদ মাধ্যমৰ অনুসৰি, জুনেইদৰ পৰৱৰ্তী শিৰোনামহীন ছবিখনৰ শ্বুটিং ইতিমধ্যেই আৰম্ভ হৈছে । ছবিখনত আমিৰ খানৰ পুত্ৰ জুনেইদে দক্ষিণৰ ডাঙৰ তাৰকা সাই পল্লৱীৰ সৈতে ৰোমান্স কৰা দেখা যাব । কোৱা হৈছে যে YRF ৰ প্ৰথমখন ছবিৰ পিচত এইটোৱেই হ’ব জুনেইদৰ দ্বিতীয়টো প্ৰজেক্ট। সুনীল পাণ্ডেৰ পৰিচালিত এই ছবিখন প্ৰেম কাহিনীৰ আধাৰত নিৰ্মিত হ’ব ।
খুশী কাপুৰৰ সৈতে এই ছবিখনত জুনেইদক দেখা পোৱাৰ খবৰ পোৱা গৈছিল
কিছুদিনৰ আগতে খবৰ আহিছিল যে জুনেইদক বনি কাপুৰ আৰু শ্ৰীদেৱীৰ কন্যা খুশী কাপুৰৰ সৈতে তামিল হিট ছবি ‘লাভ টুডে’ৰ হিন্দী ৰিমেকত দেখা যাব । উল্লেখ্য যে, খুশী কাপুৰে The Archies ৰ সৈতে OTT ত আত্মপ্ৰকাশ কৰিব ৷ ‘লাভ টুডে’ৰ পুনৰ্নিৰ্মাণটো এটা ডাঙৰ অফাৰ আৰু জুনেইদ আৰু খুশী এই ছবিখনৰ লগত জড়িত হৈ পৰাৰ লগতে আৰু ডাঙৰ হৈ পৰিছে ছবিখন ৷
'লাভ টুডে' ২০২২ চনৰ তামিল ৰোমান্টিক কমেডী-ড্ৰামা ছবি, প্ৰদীপ ৰংগনাথনৰ ৰচনা আৰু পৰিচালনাত নিৰ্মাণ কৰা হৈছিল ছবিখন । এই ছবিখনত ইভানা, ৰবীনা ৰবি, যোগী বাবু, সত্যৰাজ আৰু ৰাধিকা সাৰথকুমাৰে মুখ্য চৰিত্ৰত অভিনয় কৰিছিল ।
লগতে পঢ়ক: EXCLUSIVE: হিৰো নং ১ৰ ছিকুৱেলৰ আহিছে সন্দৰ্ভত ডাঙৰ খবৰ ! কোন হ’ব অভিনেতা-অভিনেত্ৰী ?
