গোৱালপাৰা, 23 এপ্ৰিলঃ ৰাজ্যত অন্তিম তথা তৃতীয় পৰ্যায়ৰ ভোটগ্ৰহণ চলি আছে ৷ চাৰিটা লোকসভা সমষ্টিৰ বাবে অব্যাহত আছে ভোটগ্ৰহণ ৷
গোৱালপাৰাত শান্তিপূৰ্ণ প্ৰক্ৰিয়াৰে অব্যাহত ভোটগ্ৰহণ
ধুবুৰী লোকসভা সমষ্টিৰ অন্তৰ্গত গোৱালপাৰা জিলাত বৰ্তমানেও অব্যাহত আছে ভোটগ্ৰহণ ৷ জিলাখনৰ চাৰিটা সমষ্টিৰ 946টা ভোটগ্ৰহণ কেন্দ্ৰত সম্পূৰ্ণ শান্তিপূৰ্ণ প্ৰক্ৰিয়াৰে অব্যাহত আছে ভোটগ্ৰহণ ৷ ৰাতিপুৱাৰ ভাগত জিলাখনৰ বহুকেইটা কেন্দ্ৰত ইভিএম বিকল হৈ পৰাৰ বাবে কিছু পলমকৈ ভোটগ্ৰহণ আৰম্ভ হয় যদিও বৰ্তমানে সুকলমে চলি আছে ভোটগ্ৰহণ ৷ ধুবুৰী লোকসভা সমষ্টিত বৰ্তমানলৈ সৰ্বাধিক 67.12 শতাংশ ভোটদান সম্পূৰ্ণ হৈছে ৷
