নেচনেল ডেস্ক, 9 এপ্ৰিল : ড্ৰাগছ চিণ্ডিকেট আৰু সৰবৰাহৰ বিৰুদ্ধে নাৰ্কোটিক্স কণ্ট্ৰ’ল ব্যুৰো ব্যুৰো (এনচিবি) য়ে মুম্বাইৰ ডংৰি অঞ্চলত অভিযান চলাই ইক্ৰা আব্দুল গফ্ফাৰ কুৰেছি নামৰ এগৰাকী ২২ বছৰীয়া মহিলাক গ্ৰেপ্তাৰ কৰিছে ৷ আৰক্ষীয়ে নগদ ১.৫ লাখ টকা ধন আৰু মেফেড্ৰোন নামৰ এবিধ নিষিদ্ধ সামগ্ৰীও জব্দ কৰিছে ৷ ড্ৰাগছ সৰবৰাহত অভিযুক্ত চিনকু আৰু ইজাজক গ্ৰেপ্তাৰ কৰাৰ পাছত সোধা-পোছাৰ সময়ত মহিলাগৰাকীৰ নাম পোহৰলৈ আহে ৷
জানিব পৰা মতে, আণ্ডাৰৱৰ্ল্ডৰ বজাৰৰ লগত সু সম্পৰ্ক ৰক্ষাকাৰী চিংকু পাঠান নামৰ এজন ব্যক্তিৰ পৰা মহিলাগৰাকীয়ে ঔষধ ক্ৰয় আৰু বিক্ৰী কৰিছিল ৷ চহৰখনত চলি থকা ড্ৰাগছ চিণ্ডিকেটৰ লগত জড়িত আন কেইগৰাকীমান মহিলাৰ সৈতে মিলি ইক্ৰা কুৰেছিয়ে ড্ৰাগছ ব্য়ৱসায় চলাই গৈছিল ৷ এনচিবিয়ে চহৰখনৰ চাৰিটা বিশেষ স্থানত অভিযান চলাইছিল । অভিযানৰ পিছত, ড্ৰাগছ সৰবৰাহকাৰীক গ্ৰেপ্তাৰ কৰে আৰক্ষীয়ে । উল্লেখ্য যে, মুম্বাই আৰু ইয়াৰ উপনগৰ অঞ্চল সমূহত ড্ৰাগছৰ বিপদ নিয়ন্ত্ৰণ কৰিবলৈ সতৰ্কতা তীব্ৰ কৰি তুলিছে সংস্থাটোৱে ৷ যোৱা কেইমাহমানত ইতিমধ্যে আৰক্ষীয়ে কেইবাটাও অভিযান চলাই ড্ৰাগ সৰবৰাহৰ লগত জড়িত ভালেকেইজন লোকক গ্ৰেপ্তাৰ কৰিছে।
লগতে পঢ়ক : জম্মু-কাশ্মীৰত সন্ত্ৰাসবাদীৰ ভাতৃসহ স্থানীয়ক আত্মসমৰ্পণৰ বাবে মছজিদলৈ প্ৰেৰণ
