কৰিমগঞ্জ, 27 চেপ্তেম্বৰঃ দুৰ্গাপূজাৰ প্ৰাকমূহূৰ্ত্তত বন্ধ হ'ল এখন চাহ বাগিচা ৷ কৰিমগঞ্জৰ হাটিখিৰা চাহ বাগিচা এৰি পলায়ন বাগিচাৰ মেনেজাৰৰ ৷ শ্ৰমিকৰ ৰোষত পৰাৰ ভয়তে বাগিচা এৰি পলায়ন কৰে বাগিচাৰ মেনেজাৰে৷ দুৰ্গাপূজাৰ বোনাচৰ বাবে বাগিচা কৰ্তৃপক্ষক বাগানৰ পঞ্চায়তৰ বিষয়ববীয়াই উত্থাপন কৰা দাবী মানি ল'ব নোৱাৰৰ বাবেই মেনেজাৰ পলায়ন কৰে বুলি মন্তব্য কৰে বাগিচাৰ কৰ্মচাৰীয়ে৷
উল্লেখ্য যে, দুৰ্গাপূজা বোনাচৰ বিষয় সন্দৰ্ভত বৃহস্পতিবাৰে ক্ষোভিত শ্ৰমিকে চাহপাত ভৰ্তি এখন বাহন জব্দ কৰে ৷ তাৰ পাচতে বাজাৰিচৰা আৰক্ষী থানাত শ্ৰম ইউনিয়ন, স্থানীয় মেজিষ্ট্ৰেট আৰু বাগিচাৰ মেনেজাৰৰ মাজত অনুষ্ঠিত হয় বৈঠক । বৈঠকত শুকুৰবাৰে বোনাচ সন্দৰ্ভত সমস্যাৰ সমাধান হ'ব বুলি বাগিচাখনৰ মেনেজাৰে প্ৰতিশ্ৰুতি প্ৰদান কৰে । কিন্তু বৃহস্পতিবাৰে নিশাই বাগিচা এৰি পলায়ন কৰে মেনেজাৰে ৷ ইমানেই নহয় হোৱাটছএপৰ যোগেদি বাগিচাৰ কৰ্মচাৰীক দিয়ে লকআউট জাননী ৷ তাৰোপৰি পুৱা ভাগত চাহ শ্ৰমিকসকলে পাত তুলিবলৈ যাঁওতে বন্ধ অৱস্থাত প্ৰত্যক্ষ কৰে বাগিচা ৷
আনহাতে, শুকুৰবাৰ অৰ্থাৎ সাপ্তাহিক হাজিৰা আৰু ৰেচন দিয়াৰ দিনটোতে বাগিচা বন্ধ প্ৰত্যক্ষ কৰি ক্ষোভিত হৈ পৰে বাগিচা শ্ৰমিকসল৷ যদি শীঘ্ৰে প্ৰশাসনে কোনো ব্যৱস্থা গ্ৰহণ নকৰে তেন্তে আইন শৃংখলা ভংগ কৰিব বুলি হুংকাৰ দিয়ে শ্ৰমিকসকলে ৷
ডুমডুমা বাদলাবেটা চাহ বাগিচাৰ কলঘৰৰ সন্মূখত বাগিছাখনৰ চাহ শ্ৰমিকসকলে সাব্যস্ত কৰে প্ৰতিবাদ৷ দূৰ্গা পূজাৰ পূৰ্বে চাহ শ্ৰমিকসকলৰ প্ৰাপ্য ২০ % বোনাচ প্ৰদান কৰাৰ দাবীত এই প্ৰতিবাদ । চাহ বাগিচাৰ কাম বন্ধ কৰি শ-শ চাহ শ্ৰমিকসকলে উত্তাল কৰি তোলে বাদলাবেটা চাহ বাগিচাৰ কলঘৰৰ সন্মূখ । দূৰ্গা পূজাৰ পূৰ্বে চাহ শ্ৰমিকসকলৰ প্ৰাপ্য ২০ % বোনাচ প্ৰদান নৰকিলে অনাগত দিনত জংগী আন্দোলনৰ হুংকাৰ দিয়ে শ্ৰমিকসকলে ৷
