তিনিচুকীয়া, 9 অক্টোবৰ: দেওবাৰে তিনিচুকীয়া জিলাৰ কাকপথাৰ টঙনা আৰক্ষীৰ এনকাউণ্টাৰত নিহত হয় ড্ৰাগছ সৰবৰাহকাৰী বিনোদ মৰাণৰ (Encounter in Tinsukia) ৷ তেওঁৰ মৃত্যুকলৈ এতিয়াও উত্তেজনা বিৰাজ কৰিছে (Tense situation in Tinsukia) ৷
দেওবাৰে মৃতদেহ চমজি নোলোৱাৰ হুংকাৰ প্ৰদান কৰি নিশা বাৰ বজালৈ নিহত বিনোদ মৰাণৰ মৃতদেহ আৰক্ষী থানাৰ সন্মুখত ৰাখি প্ৰতিবাদ সাব্যস্ত কৰে পৰিয়ালৰ লগতে একাংশ গাঁওবাসীয়ে ৷ লগতে পৰিয়ালৰ লোকে বিনোদ মৰাণ ড্ৰাগছৰ লগত জড়িত নহয় বুলি দাবী উত্থাপন কৰে (Protest with body in front of police station) ৷
পৰৱৰ্তী সময়ত তিনিচুকীয়া জিলা আৰক্ষী প্ৰশাসনৰ উচ্চপদস্থ বিষয়াৰ লগতে নিশাই উপস্থিত হোৱা ডুমডুমা ৰাজহ চক্ৰ বিষয়া কাৰ্যালয়ৰ চক্ৰ বিষয়াই (সংলগ্ন) শান্তিপূৰ্ণভাৱে পৰিস্থিতি নিয়ন্ত্ৰণ কৰে ৷ ইতিমধ্যে তিনিচুকীয়া জিলা উপায়ুক্তই এই ঘটনাক লৈ তদন্ত ঘোষণা কৰিছে বুলি জানিব পৰা গৈছে ৷
উল্লেখ্য যে, বিগত 9 অক্টোবৰৰ লক্ষ্মী পূজাৰ দিনা কাকপথাৰ চেঙাপথাৰত তিনিচুকীয়া আৰক্ষীৰ সহযোগত টঙনা আৰক্ষীয়ে চলাইছিল ড্ৰাগছৰ বিৰুদ্ধে অভিযান (Drugs peddling in Tinsukia) ৷ অভিযানত আৰক্ষীৰ গুলীত নিহত হৈছিল কাকপথাৰ উবন গাঁৱৰ বিনোদ মৰাণ নামৰ ড্ৰাগছ সৰবৰাহকাৰীটো ।
