কাৰ্যকৰী সভাপতি ৰাতুল গগৈক মটক ছাত্ৰ সন্থাৰ পৰা বহিস্কাৰ

সদৌ অসম মটক ছাত্ৰ সন্থাৰ সভাপতিৰ বিৰুদ্ধে ভুৱা বাতৰি প্ৰচাৰ কৰাত তীব্ৰ প্ৰতিক্ৰিয়া সদৌ অসম মটক ছাত্ৰ সন্থাৰ ৷ সভাপতিৰ বিৰুদ্ধে ভুৱা বাতৰি প্ৰচাৰ কৰাৰ অভিযোগত মটক ছাত্ৰ সন্থাৰ কাৰ্যকৰী সভাপতি ৰাতুল গগৈক সন্থাৰ পৰা বহিষ্কাৰ কৰে ৷

তিনিচুকীয়া,7 ডিচেম্বৰ : সদৌ অসম মটক ছাত্ৰ সন্থাৰ কেন্দ্ৰীয় সমিতিৰ সভাপতি নিৰেণ শইকীয়াক যোৱা ৬ নৱেম্বৰ তাৰিখে কেন্দ্ৰীয় সমিতিৰ কাৰ্যকৰী সভাপতি ৰাতুল গগৈয়ে মিছা কথাৰে সংগঠনৰ পৰা বহিস্কাৰ কৰা বুলি সামাজিক মাধ্যমত বিভিন্ন অপপ্ৰচাৰৰ চলাইছিল । যাৰ বাবে সোমবাৰে তিনিচুকীয়াৰ হোটেল প্ৰমোদত সদৌ অসম মটক ছাত্ৰ সন্থাই এখনি সংবাদ মেল আয়োজন কৰি তীব্ৰ ভাষাৰে গৰিহণা দিয়ে ৰাতুল গগৈক । লগতে এনে ঘৃণনীয় আৰু নিন্দনীয় কাৰ্য কৰাৰ বাবে ৰাতুল গগৈক সদৌ অসম মটক ছাত্ৰ সন্থাৰ মজিয়াৰ পৰা বহিষ্কৃত কৰাৰ লগতে প্ৰাথমিক সদস্য পদৰ পৰাও বহিস্কৃত কৰে ।

উল্লেখ্যযোগ্য যে,আজি সংবাদ মেলত সদৌ অসম মটক ছাত্ৰ সন্থাৰ বিষয়-ববীয়াই ব্যক্ত কৰাৰ মতে ৰাতুল গগৈয়ে সদৌ মটক ছাত্ৰ সন্থাত থাকি আৰ.এছ.এছ.ৰ এজেণ্ট হৈ কাম কৰি আহিছিল বুলি অভিযোগ কৰে সন্থাৰ সদস্য সকলে । যাৰ পৰিপ্ৰেক্ষিতত সংগঠনটোৱে আজি ৰাতুল গগৈক সংগঠনৰ পৰা বহিষ্কাৰ কৰাৰ লগতে সংগঠনটোৰ ভাৱমূৰ্তিৰ ম্লান কৰিব খোজা ৰাতুল গগৈৰ এনে কাৰ্যৰ বিৰুদ্ধে আইনী ব্যৱস্থা লোৱাৰ বাবে প্ৰস্তাৱ গ্ৰহণ কৰে ।

লগতে পঢ়ক-অতি শীঘ্ৰে আইনী ব্যৱস্থা গ্ৰহণ কৰিমঃ আঙুৰলতা