তেজপুৰ, ৪ এপ্ৰিল: অখিল ভাৰতীয় বিদ্যাৰ্থী পৰিষদ তেজপুৰ নগৰ শাখাই এ আই ইউ ডি এফ প্ৰধান বদৰুদ্দিন আজমল আৰু অজিত ভূঞাৰ প্ৰতিমূৰ্তি দাহ কৰে । তেজপুৰ দৰং মহাবিদ্যালয় সমীপত দেওবাৰে সন্ধিয়া এক প্ৰতিবাদী কাৰ্যসূচী গ্ৰহণ কৰি ছাত্ৰ সংগঠনটোৱে কয় যে, কিছুদিন পূৰ্বে নিৰ্বাচনী সভাত এ আই ইউ ডি এফ প্ৰধান বদৰুদ্দিন আজমলে ৰাজহুৱাকৈ অসমীয়াৰ স্বাভিমান গামোচাক অপমান কৰিছে ।
উক্ত ঘটনাক সমৰ্থন জনাই নিজকে বুদ্ধিজীৱী বুলি আখ্যা দিয়া অজিত ভূঞাই কৰা মন্তব্যক তীব্ৰ গৰিহণা প্ৰদান কৰে সংগঠনটোৱে ৷ লগতে তেজপুৰ চহৰৰ মাজমজিয়াত দুয়োৰে পুত্তলিকা দহণ কৰি আজমল হুচিয়াৰ,অজিত কুমাৰ ভূঞা মুৰ্দাবাদ,গামোচাক কৰা অপমান সহ্য কৰা নহ'ব,জয় আই অসম ,ভাৰত মাতা কি জয় আদি শ্লগানৰে ৰাজপথ উত্তাল কৰি তোলে ।
লগতে পঢ়ক :অসমবাসীলৈ অখিল গগৈৰ পত্ৰ
