নাজিৰা, 28 আগষ্ট : আত্মনিৰ্ভৰ অসমৰ ধাৰণাৰে স্বাৱলম্বীতাৰ উৎকৃষ্ট নিৰ্দশন দাঙি ধৰিছে শিৱসাগৰ জিলাৰ হাঁহচৰাৰ গ্ৰামাঞ্চলৰ এগৰাকী মহিলাই ।
শিৱসাগৰ জিলাৰ হাঁহচৰা চেতিয়া গাঁৱৰ ৰীতা চেতিয়া নামৰ মহিলা গৰাকীয়ে নিজৰ ঘৰখনকে এটি ক্ষুদ্ৰ উদ্যোগলৈ ৰূপান্তৰ কৰিছে ৷ ঘৰৰ বাৰীৰ ফল-মূলৰ পৰা প্ৰস্তুত কৰিছে সুস্বাদু চৰ্বত আৰু শীতল পানীয় ৷
লগতে পঢ়ক : ইটিভি নেটৱৰ্কৰ গৌৰৱোজ্বল 25 বছৰঃদৰ্শক আৰু কৰ্মচাৰীক ধন্যবাদ জ্ঞাপন অধ্যক্ষ ৰামোজী ৰাওৰ
গ্ৰামাঞ্চলত সততে পোৱা থলুৱা ফলমূল পৰা ৰস সংৰক্ষণ কৰি প্ৰস্তুত কৰা শীতল পানীয় বিক্ৰী কৰি স্বাৱলম্বী হৈছে মহিলাগৰাকী ৷ আম,কৰদৈ,মধুৰী,মাটিকঁঠালৰ পৰা মহিলাগৰাকীয়ে প্ৰস্তুত কৰা শীতল পানীয় এতিয়া অঞ্চলটোত জনপ্ৰিয় হৈ পৰিছে ৷
থলুৱা ফলমূলৰ পৰা চৰ্বত প্ৰস্তুতেৰে উৰ্পাজনমুখী হোৱাৰ কথা নিজ মুখে স্বীকাৰ কৰিছে ৰীতা চেতিয়াই । নিজ ঘৰতেই থলুৱা চৰ্বত তৈয়াৰ কৰি স্বাৱলম্বী হোৱা ৰীতা চেতিয়া এতিয়া আন দহগৰাকী মহিলাৰ বাবে আদৰ্শ হৈ পৰিছে ৷ আন মহিলাসকলকো এনেধৰণৰ কৰ্ম কৰিবলৈ আগবাঢ়ি অহাৰ আহ্বান জনাইছে ৰীতা চেতিয়াই ।
লগতে পঢ়ক : লোকসভাত কংগ্ৰেছৰ উপ দলপতিৰ পদত অধিস্থিত হ‘ল সাংসদ গৌৰৱ গগৈ
