আমগুৰি, 20 ছেপ্টেম্বৰ : আমগুৰি সমষ্টিত গাঁও পঞ্চায়তৰ বিকাশৰ এক নমুনা । গৌৰীসাগৰ উন্নয়ন খণ্ডৰ অন্তগত হাফলুটিং গাঁও পঞ্চায়তৰ এটা পথ । বোকাময় পথটিয়ে এতিয়া জ্বলা ক'লা খোৱাইছে পথচাৰীক । পথটিৰ দুৰৱস্থাৰ বাবে গাঁৱত নোসোমায় এম্বুলেন্স অথবা অন্য বাহন ।
পঞ্চায়ত কাৰ্য্যালয়ৰ পৰা মাত্ৰ কেই মিটাৰমান আঁতৰত অৱস্থিত হাফলুটিং কৈৱৰ্ত্ত গাঁৱৰ এই পথটি মেৰামতিৰ বাবে আজিও চকু নপৰিল পঞ্চায়ত প্ৰতিনিধিৰ । মেৰামতিৰ নামত কেতিয়াবা কেইগাড়ীমান শিল দিয়েই দায়িত্ব সামৰে পঞ্চায়ত প্ৰতিনিধিয়ে ।
গাঁওবাসীয়ে কেতিয়াবা নিজা খৰচত পথটি মেৰামতি কৰে যদিও সেয়া পৰ্যাপ্ত নহয় । এতিয়া হাফলুটিং পঞ্চায়তৰ উন্নয়ন আৰু বিকাশে এনেদৰেই জ্বলা ক'লা খোৱাইছে আঞ্চলবাসীক । স্থানীয় লোকে শীঘ্ৰে পথটো মেৰামতি কৰিবলৈ সমষ্টিৰ বিধায়কক আহ্বান জনাইছে ।
লগতে পঢ়ক : মুখ্যমন্ত্ৰীসকলৰ সৈতে ক’ভিড সন্দৰ্ভত বৈঠকত মিলিত হ'ব প্ৰধানমন্ত্ৰী
