নগাঁও, 8 জানুৱাৰী : ড্ৰাগছ সৰবৰাহকাৰীৰ বিৰুদ্ধে নতুন কৌশল নগাঁও আৰক্ষীৰ । এইবাৰ ড্ৰাগছৰ গ্ৰাহকৰ ৰূপত ড্ৰাগছৰ বিৰুদ্ধে অভিযান নগাঁও আৰক্ষীৰ । শুকুৰবাৰে নিশা নগাঁও আৰক্ষীয়ে জুকাটি অঞ্চলত অভিযান চলাই ড্ৰাগছ সহ (Drugs Seized at Nagaon) এটা ড্ৰাগছ সৰবৰাহকাৰীক আটক কৰে (Drugs dealer arrested at Nagaon) ৷
ঘটনা অনুসৰি, শুকুৰবাৰে নিশা হয়বৰগাঁও আৰক্ষী আৰু জুৰীয়া আৰক্ষীয়ে যৌথভাৱে জুকাটি বজাৰত অভিযান চলাই বৃহৎ পৰিমাণৰ ড্ৰাগছ জব্দ কৰে (Drugs Seized by Nagaon Police) ৷ লগতে শ্বহিদুল ইছলাম নামৰ এটা ড্ৰাগছ সৰবৰাহকাৰীক আটক কৰে ৷ ড্ৰাগছ সৰবৰাহকাৰী শ্বহিদুল ইছলামে দীর্ঘদিনৰ পৰা এই অঞ্চলটোৰ লগতে বিভিন্ন প্ৰান্তত ড্ৰাগছৰ এক ক'লা সাম্ৰাজ্য গঢ়ি তুলিবলৈ সক্ষম হৈছিল ।
অৱশেষত নগাঁও আৰক্ষীয়ে অতি তৎপৰতাৰে এই দুৰ্ধৰ্ষ ড্ৰাগছ সৰবৰাহকাৰী শ্বহিদুল ইছলামক আটক কৰিবলৈ সক্ষম হয় ৷ এই ড্ৰাগছ সৰবৰাহকাৰীজনক আটক কৰাৰ পিছতেই আৰক্ষী অধীক্ষক আনন্দ মিশ্ৰই দুই-এজন দুষ্ট প্ৰকৃতিৰ লোকৰ বাবেই অঞ্চলটো বদনামী হয় বুলি মন্তব্য কৰি সকলোকে ড্ৰাগছৰ বিৰুদ্ধে চলোৱা অভিযানৰ বাবে আৰক্ষীক সহযোগ কৰিবলৈ আহ্বান জনায় ।
ইয়াৰ লগতে জুৰীয়া থানাত যোগদান কৰিয়েই ড্ৰাগছৰ বিৰুদ্ধে ব্যাপক অভিযান আৰম্ভ কৰা ভাৰপ্ৰাপ্ত বিষয়া অদিত বড়োক প্ৰশংসা কৰে আৰক্ষী অধীক্ষকগৰাকীয়ে ।
লগতে পঢ়ক : Guwahati Smart City Project : দুবছৰ ধৰি বিকল গুৱাহাটীৰ ৱাটাৰ ATM
