আৰক্ষীৰ জালত দুৰ্ধর্ষ ডকাইত আনাৰুল ইছলাম

নগাঁও জিলা উপ-আৰক্ষী অধীক্ষক সদৰ আৰু নগৰ শাখাৰ ভাৰপ্ৰাপ্ত বিষয়া গৌৰৱ মহন্তৰ নেতৃত্বত চামগুৰি আৰক্ষীৰ সহযোগত আটক কৰিবলৈ সক্ষম হয় আনাৰুল ইছলাম নামৰ ডকাইতটোক ৷

নগাঁও, 20 জুনঃ আৰক্ষীৰ জালত পৰিল নগাঁৱৰ দুৰ্ধর্ষ ডকাইত আনাৰুল ইছলাম । নগাওঁ জিলা উপ-আৰক্ষী অধীক্ষক সদৰ আৰু নগৰ শাখাৰ ভাৰপ্ৰাপ্ত বিষয়া গৌৰৱ মহন্তৰ নেতৃত্বত চামগুৰি আৰক্ষীৰ সহযোগত আটক কৰিবলৈ সক্ষম হয় ডকাইতটোক ।

চামগুৰি বাজিয়াগাঁৱৰ পৰা বৃহস্পতিবাৰে আটক কৰে নগাঁৱত ত্ৰাসৰ সৃষ্টি কৰা ডকাইত আনাৰুলক ৷ কিছুদিন পূৰ্বে নগাঁৱৰ বৰঘাটত গুলীচালনা কৰি ডকাইতি কাণ্ড সংঘটিত কৰিছিল আনাৰুলে । ইয়াৰোপৰি, কেবাটাও ডকাইতি হত্যাকাণ্ডতো জড়িত থকাৰ অভিযোগ উঠিছে আনাৰুলৰ বিৰুদ্ধে ৷

আৰু পঢ়কঃ ধেমাজি বোমা বিস্ফোৰণ কাণ্ডৰ ৰায়দান স্থগিত