ৰূপহীহাট, 22 মে': কৰ’ণাতংকৰ মাজতে ৰূপহীহাটৰ সোনাই নৈত এজন যুৱকৰ মৃতদেহ উদ্ধাৰ হোৱাৰ ঘটনাই ৰূপহীহাটত তীব্ৰ চাঞ্চল্যৰ সৃষ্টি কৰিছে । জানিব পৰা মতে, মাছ মাৰিবলৈ বুলি সোনাই নদীত আহিছিল যুৱকজন ৷ মৃত যুৱকজন ৰৌমাৰী গাঁৱৰ আক্কাছ আলী বুলি জানিব পৰা গৈছে ৷
ৰূপহীহাটত পানীত উপঙি থকা অৱস্থাত মৃতদেহ উদ্ধাৰ
স্থানীয় ৰাইজে মৃতদেহটো প্ৰত্যক্ষ কৰি ৰূপহীহাট আৰক্ষীক খবৰ দিয়ে ৷ ঘটনাস্থলীত ৰূপহীহাট আৰক্ষী উপস্থিত হৈ মৃতদেহটো উদ্ধাৰ কৰি মৃতদেহটোৰ মৰণোত্তৰ পৰীক্ষাৰ বাবে নগাঁও অসামৰিক চিকিৎসালয়লৈ প্ৰেৰণ কৰে ৷ উল্লেখ্য যে, যুৱকজনৰ মৃত্যুৰ খবৰ বিয়পি পৰাৰ লগে লগে ৰৌমাৰী গাঁৱত শোকাকুল পৰিৱেশে বিৰাজ কৰে ৷
লগতে পঢ়ক : শিক্ষামন্ত্ৰীক গৰিহণা ডিব্ৰুগড় বিশ্ববিদ্যালয় স্নাতকোত্তৰ ছাত্ৰ একতা সভাৰ
