টীয়কত শ্বহীদ মৃত্যুঞ্জয় চুতীয়ালৈ শ্ৰদ্ধাঞ্জলি

টীয়কত চুতীয়া জাতি ছাত্ৰ সন্থা আৰু ৰাইজৰ সহযোগত শ্বহীদ মৃত্যুঞ্জয় চুতীয়ালৈ শ্ৰদ্ধাঞ্জলি অনুষ্ঠান অনুষ্ঠিত কৰে ৷ শ্বহীদ মৃত্যুঞ্জয় চুতীয়াৰ প্ৰতিচ্ছবিত বন্তি প্ৰজ্বলনৰে আত্মাৰ সদগতি কামনা কৰে উপস্থিত ৰাইজে ৷

টীয়ক,27 ডিচেম্বৰঃ ২৪ ডিচেম্বৰত পাকিস্তানী সন্ত্ৰাসবাদীৰ গ্ৰেনেড আক্ৰমণত দেশৰ হকে শ্বহীদ হয় অসমৰ চিআৰপিএফ বাহিনীৰ জোৱান মৃত্যুঞ্জয় চুতীয়া ৷ চৰকাৰে ৰাষ্ট্ৰীয় মৰ্যদাৰে শেষকৃত সম্পন্ন কৰে শ্বহীদ গৰাকীৰ ৷ সমান্তৰালকৈ যোৰহাট জিলাৰ টীয়কতো দেওবাৰে চুতীয়া জাতি ছাত্ৰ সন্থা টীয়ক অঞ্চলিক সমিতিৰ সদস্য তথা ৰাইজৰ সহযোগত শ্বহীদ মৃত্যুঞ্জয় চুতীয়াৰ এক শ্ৰদ্ধাঞ্জলি অনুষ্ঠান অনুষ্ঠিত কৰা হয় ।

পাক সন্ত্ৰাসবাদীৰ আক্ৰমণত নিহত হোৱা ধেমাজিৰ চিচিবৰ গাঁৱৰ শ্বহীদ মৃত্যুঞ্জয় চুতীয়াৰ অকাল মৃত্যুত টীয়ক আঞ্চলিক চুতীয়া জাতি ছাত্ৰ সন্থা আৰু বনাই আঞ্চলিক চুতীয়া জাতি ছাত্ৰ সন্থাৰ তৰফৰ পৰা গভীৰ শোক প্ৰকাশ কৰে ৷ ইয়াৰোপৰি শ্বহীদ গৰাকীৰ বিদেহী আত্মাৰ সদগতি কামনাৰে ভগৱানৰ ওচৰত প্ৰাৰ্থনা জনোৱাৰ লগতে শোক সন্তপ্ত পৰিয়াললৈ সমবেদনা জ্ঞাপন কৰে ৰাইজে ।

লগতে পঢ়ক- ক্ৰমাৎ নিঃচিহ্ন হোৱাৰ পথত লখিমপুৰৰ ঐতিহাসিক ঘূণাসূঁতি