যোৰহাট, 10 জুন: পুনৰ চৰ্চালৈ যোৰহাটৰ বিশাল মেগা মাৰ্ট ৷ এইবাৰে বিশাল মেগা মাৰ্টৰ সুৰক্ষা কৰ্মীয়ে এজন গ্ৰাহকক প্ৰহাৰ কৰাৰ অভিযোগ উত্থাপন হৈছিল ৷ ঘটনা অনুসৰি, ভুক্তভোগী গোপাল দত্ত নামৰ লোকজনে পত্নীৰ সৈতে বিশাল মেগা মাৰ্টত বজাৰ কৰিবলৈ গৈছিল ৷
তাৰ পিছতেই সংঘটিত হয় এই ঘটনাটো ৷ অভিযোগ অনুসৰি, কোনো কথাত বাক-বিতণ্ডা লাগি যোৰহাট আটলিয়া গাঁৱৰ গোপাল দত্তক শাৰীৰিকভাৱে প্ৰহাৰ কৰে মেগা মাৰ্টখনৰ দুজন সুৰক্ষাকৰ্মীয়ে (A Man allegedly beaten up by Vishal Mega Mart security guards) ৷ ইতিমধ্যে ঘটনা সন্দৰ্ভত গোপাল দত্তই এখন এজাহাৰ দাখিল কৰিছে ৷ আৰক্ষীয়ে এই এজাহাৰৰ ভিত্তিত আৰম্ভ কৰিছে তদন্ত ৷
এই তদন্তৰ আধাৰতে আৰক্ষীয়ে দুয়োজন সুৰক্ষাকৰ্মীক আটক কৰে ৷ ইফালে এই ঘটনাৰ পাছত বিভিন্ন দল সংগঠনে বিশাল মেগা মাৰ্টৰ বিৰুদ্ধে প্ৰতিবাদী কাৰ্যসূচী গ্ৰহণ কৰাৰ হুংকাৰ দিয়ে ৷
লগতে পঢ়ক : দুখন শিক্ষানুষ্ঠানৰ ছাত্ৰৰ মাৰপিটক লৈ উত্তপ্ত নগাঁৱৰ পানীগাঁও
