উমানন্দত পৰ্যটকৰ ব্যাপক ভিৰ

দেশী-বিদেশী পৰ্যটকে ভিৰ কৰিছে পৃথিৱীৰ ক্ষুদ্ৰতম নদীদ্বীপত ৷ প্ৰতিদিনে পৰিলক্ষিত হৈছে প্ৰায় 2000 ৰ পৰা 2500লৈকে পৰ্যটকৰ ভিৰ ৷

গুৱাহাটী,12 নৱেম্বৰ: পৰ্যটনৰ বতৰত দেশী-বিদেশী পৰ্যটকেৰে লোকাৰণ্য হৈ পৰিছে পৃথিৱীৰ ক্ষুদ্ৰতম নদীদ্বীপ উমানন্দ ৷ দৈনিক উমানন্দ মন্দিৰ দৰ্শনৰ বাবে এতিয়া উমানন্দ ঘাটত ভিৰ কৰিছেহি 2000ৰ পৰা 2500 জন লৈকে দেশী-বিদেশী পৰ্যটক ৷ বহিঃৰাজ্যৰ পৰা অহা পৰ্যটকৰ এইদৰে আগমনে এতিয়া শোভা বৃদ্ধি কৰিছে উমানন্দৰ ৷ বিশেষ কৈ পুষ্কৰ মেলাৰ বাবে অহা ভক্ত সকল আহিছে উমানন্দ মন্দিৰ দৰ্শন কৰিবলৈ ৷ পূৰ্বেত উমানন্দ মন্দিৰৰ বিষয়ে নজনা পৰ্যটকসকলে মন্দিৰ দৰ্শনৰ পাছত উৎফুল্লিত হৈ পৰিছে ৷

ইফালে,পৰ্যটনৰ এই আগমণৰ প্ৰতি লক্ষ্য ৰাখি উমানন্দ মন্দিৰ কৰ্তৃপক্ষইও পৰিস্কাৰ পৰিচ্ছন্নতাৰে মোহনীয়ভাৱে সজাই তুলিছে মন্দিৰটো ৷ সাংবাদিকৰ সৈতে হোৱা বাৰ্তালাপত মন্দিৰ দৰ্শন কৰি উভতি যোৱাৰ পথত বহুতো পৰ্যটকে ক'লে পুনৰ পৰিয়ালৰ সৈতে দৰ্শন কৰিবলৈ আহিব উমানন্দ ৷ উমানন্দলৈ যোৱা পৰিবহনৰ ক্ষেত্ৰটো বিশেষ ব্যৱস্থা কৰিছে অসম পৰ্যটনে ৷ আনহাতে মন্দিৰৰ অভিযন্তা ৰঞ্জিত কুমাৰ দত্তই সাংবাদিকৰ আগত জানিবলৈ দিয়ে যে পূৰ্বতকৈ এইবাৰ পৰ্যটকৰ সংখ্যা বাঢ়িছে ই অসম পৰ্যটনৰ বাবে এক শুভ লক্ষণ ৷

আৰু পঢ়ক: চেঞ্চুৰী মৰাৰ দিশে পিয়াঁজ