দুই শিক্ষাৰ্থীয়ে উজ্বলালে সাই বিকাশ জুনিয়ৰ কলেজ

সপ্তদ্বীপ সাহা আৰু জীৱনজ্যোতি কলিতাই সাই বিকাশ জুনিয়ৰ কলেজলৈ কঢ়িয়াই আনিছে গৌৰৱ ৷

গুৱাহাটী, 25 মে' : চৰকাৰীখণ্ডৰ মহাবিদ্যালয়সমূহক পিচ পেলাই উজ্বলিছে ইখনৰ পাচত সিখন ব্যক্তিগত খণ্ডৰ জুনিয়ৰ কলেজ ৷ দুগৰাকী শিক্ষাৰ্থীৰ স্থান লাভেৰে সদ্যঘোষিত উচ্চতৰ মাধ্যমিক পৰীক্ষাৰ ফলাফলত জিলিকি উঠিছে গুৱাহাটীৰ সাই বিকাশ জুনিয়ৰ কলেজ ৷ জুনিয়ৰ কলেজখনৰ দুগৰাকী ছাত্ৰ সপ্তদ্বীপ সাহা আৰু জীৱনজ্যোতি কলিতাই বিজ্ঞান শাখাত ক্ৰমে ষষ্ঠ আৰু অষ্টম স্থান লাভেৰে কলেজখনলৈ কঢ়িয়াই আনিছে গৌৰৱ ৷ ইপিনে জুনিয়ৰ কলেজখনৰ 297 গৰাকী পৰীক্ষাৰ্থীৰ 289 গৰাকীয়েই লাভ কৰিছে প্ৰথম আৰু 7 গৰাকীয়ে লাভ কৰিছে দ্বিতীয় স্থান ৷