গুৱাহাটী, 11 মে’ : গুৱাহাটীৰ নাৰেংগী উচ্চ বিদ্যালয়ত (Narengi High School) বন বিভাগৰ প্ৰশংসনীয় প্ৰদক্ষেপ । ‘গছ থাকিলেহে মানুহ থাকিব' এই শ্লোগানেৰে নাৰেংগী হাইস্কুল প্ৰাংগনত বুধবাৰে বন বিভাগে প্ৰাকৃতিক ভাৰসাম্য ৰক্ষাৰ বাবে গছ পুলি ৰোপণৰ লগতে এখন সজাগতা সভা অনুষ্ঠিত কৰে (Tree plantation programme at Narengi ) ।
পূব কামৰূপ বন সংমণ্ডল আৰু গুৱাহাটী আঞ্চলিক বন কাৰ্যালয়ৰ সৌজন্যত নাৰেংগী খণ্ড বন কাৰ্য্যালয়ৰ উদ্যোগত এই অনুষ্ঠানটো অনুষ্ঠিত কৰা হয় । অনুষ্ঠানটোত মুখ্য অতিথি হিচাপে উপস্থিত থাকে নামনি অসমৰ মুখ্য বন সংৰক্ষক সন্দ্বীপ কুমাৰ( IFS)ৰ লগতে পূব কামৰূপ বন সংমণ্ডল বিষয়া ৰোহিনী বল্লভ শইকীয়া উপস্থিত থাকে ৷
লগতে প্ৰাঞ্জল বৰুৱা, প্ৰহ্লাদ গায়ন,নাৰেংগী উচ্চ মাধ্যমিক বিদ্যালয়ৰ প্ৰধান শিক্ষয়িত্ৰী প্ৰতিমা দাস কাৰ্জী,নাৰেংগী খণ্ড বন বিষয়া অসীম দাস আদিকে ধৰি ভালে কেইগৰাকী বিশিষ্ট ব্যক্তি এই অনুষ্ঠানত উপস্থিত থাকে ।
মুখ্য বন সংৰক্ষক গৰাকীয়ে অনুষ্ঠানত উপস্থিত থাকি গছ ৰোপন আৰু প্ৰতিপালন কৰি কেনেদৰে প্ৰকৃতি সুৰক্ষা কৰিব পাৰি তাৰ ওপৰত মন্তব্য আগবঢ়ায় । উল্লেখ্য যে, বিগত এমাহত 45 খন বিদ্যালয় আৰু মহাবিদ্যালয়ত 2500 গছ পুলি ৰোপন কৰিছে গুৱাহাটী আনঞ্চলিক বন বিষয়াৰ কাৰ্যলয় তথা বন বিভাগৰ লোকে ।
লগতে পঢ়ক : Death Penalty by ULFA: তিনিচুকীয়াৰ আন এজন যুৱককো আলফা স্বাধীনৰ মৃত্যদণ্ড !
