11বজাৰ শীৰ্ষ 10টা বাতৰি

11বজাৰ শীৰ্ষ 10টা বাতৰি

জনপ্ৰিয় কণ্ঠশিল্পী জুবিন গাৰ্গৰ আজি ওপজাদিন ৷ আনুষ্ঠানিকভাৱে অনামিকা (১৯৯২) এলবামৰ দ্বাৰা সংগীতৰ জয়যাত্ৰা আৰম্ভ কৰা শিল্পীগৰাকীলৈ যাঁচিলো জন্মদিনৰ শুভকামনা ৷ অব্যাহত থাকক মৰমৰ শিল্পীগৰাকীৰ সংগীতৰ সুৰীয়া যাত্ৰা

নিউজিলেণ্ড আৰু ভাৰতৰ মাজত অনুষ্ঠিত T20 শৃংখলাৰ প্ৰথমখন মেচত বুধবাৰে জয়লাভ কৰে ভাৰতে ৷ 63 ৰাণৰ বিস্ফোৰক ইনিংছ খেলা সূৰ্যকুমাৰ যাদৱক মেন অৱ দ্য মেছ ঘোষণা ৷

বৰপেটাত বৰপেটাৰ উপ-আৰক্ষী অধীক্ষক সমীৰ দত্ত বৰুৱাৰ নেতৃত্বত আটক 14 টা জুৱাৰীক ৷ জব্দ 1,04,940 টকা নগদ ধন, 14 টা মোবাইল হেণ্ডছেট আৰু 5খন বাইক ৷

চেন্নাই আৰু ইয়াৰ দাঁতিকাষৰীয়া অঞ্চলত বতৰ বিজ্ঞান বিভাগৰ তৰফৰ পৰা জাৰি কৰা হৈছে ৰেড এলাৰ্ট ৷ বৃহস্পতিবাৰে নিশাৰ পৰা চেন্নাই আৰু ইয়াৰ দাঁতিকাষৰীয়া অঞ্চলসমূহত বৃষ্টিপাত হোৱাৰ সম্ভাৱনা ব্যক্ত বতৰ বিজ্ঞান বিভাগৰ ৷

হোজাই জিলাত বিৰল প্ৰজাতিৰ কাছ উদ্ধাৰ ৷ মন্নাছ আলীৰ ঘৰৰ সমীপত উদ্ধাৰ বিৰল প্ৰজাতিৰ কাছটো ৷ কাছটো উদ্ধাৰ কৰি বনবিভাগে এৰি দিয়ে লামডিং বনাঞ্চলত ৷

"Har Ghar Dastak" অভিযানৰ অধীনত নগাঁও জিলাত প্ৰত্যেককেই প্ৰথম পালি ক’ভিড প্ৰতিষেধক প্ৰদানৰ লক্ষ্য স্থিৰ ৰাজ্য চৰকাৰৰ ৷ বুধবাৰে টীকাকৰণৰ বুজ ল’লে স্বাস্থ্যমন্ত্ৰীয়ে ৷

ক’ভিড মহামাৰীৰ বাবে বিগত প্ৰায় ডেৰবছৰ গ্ৰন্থৰ সুৱাসৰ পৰা বিৰত আছিল গ্ৰন্থপ্ৰেমী । এটা বিৰতিৰ পাছত অনুষ্ঠিত হোৱা বৰভাগ গ্ৰন্থমেলাত গ্ৰন্থপ্ৰেমীৰ সমাদৰ লাভ কৰিছে প্ৰকাশক সকলে ।

হাইলাকান্দি থানাত নিয়োজিত হৈ আছিল উপ-পৰিদৰ্শকগৰাকী । ভূমি সংক্ৰান্তীয় গোচৰ নিষ্পত্তিৰ বাবে ৫ হাজাৰ টকা উৎকোচ লৈছিল আৰক্ষী বিষয়াগৰাকীয়ে ।

জনতা ভৱনত মন্ত্ৰী অতুল বৰাৰ অধ্যক্ষতাত গঠিত উপ-সমিতিৰ দ্বিতীয়খন বৈঠক । বৈঠকত বিদেশী সমস্যা সমাধান তথা বিদেশীৰ সৈতে জড়িত প্ৰশাসনিক ব্যৱস্থাটো শক্তিশালী আৰু আসোঁৱাহমুক্ত কৰা, এন আৰ চিক বিদেশী নামমুক্ত কৰা, বিদেশী ন্যায়াধীকৰণসমূহ শক্তিশালী কৰা, বিদেশীৰ ক্ষেত্ৰত চৰকাৰ কঠোৰ হোৱা আদি বহুতো গুৰুত্বপূৰ্ণ বিষয় সন্দৰ্ভত আলোচনা ।

তৃণমূল কংগ্ৰেছৰ ৰোষত চিবিআই আৰু ইডিৰ দুই বিষয়া ৷ পশ্চিমবংগ বিধানসভাৰ অধ্যক্ষৰ নিৰ্দেশ অমান্য কৰাৰ বাবে তদন্তকাৰী সংস্থা দুটাৰ বিষয়াৰ বিৰুদ্ধে বিশেষাধিকাৰ ভংগৰ প্ৰস্তাৱ আনিলে তৃণমূলে ৷