গুৱাহাটী, 9 নৱেম্বৰ: মুখ্য ন্যায়াধীশ ৰঞ্জন গগৈৰ গুৱাহাটীস্থিত বাসগৃহত কটকটীয়া নিৰাপত্তা ব্যৱস্থা বেষ্টনী গঢ়ি তোলা হৈছে । মহানগৰীৰ গীতানগৰত থকা মুখ্য ন্যায়াধীশ ৰঞ্জন গগৈৰ বাসগৃহৰ চৌপাশে নিৰাপত্তাৰক্ষীৰ অৱস্থান ৷ অযোধ্যাৰ বিবদমান ৰায়দানক লৈ অপ্ৰীতিকৰ পৰিস্থিতিৰ সৃষ্টি হোৱাৰ আশংকাত গগৈৰ গুৱাহাটীৰ গীতানগৰৰ বাসগৃহত নিৰাপত্তা ব্যৱস্থা বৃদ্ধি কৰা হয় ৷
মুখ্য ন্যায়াধীশ ৰঞ্জন গগৈৰ গুৱাহাটীস্থিত বাসগৃহত কটকটীয়া নিৰাপত্তা ব্যৱস্থা
পুৱাৰ পৰাই আৰক্ষী আৰু চি আৰ পি এফ বাহিনী মোতায়েন কৰা হয় বাসগৃহৰ সন্মুখত । বাসগৃহৰ ভিতৰত আৰু চৌহদৰ চাৰিও পাশে গঢ়ি তোলা হৈছে অভেদ্য নিৰাপত্তা বেষ্টনী ।
