পুৰী জগন্নাথত আৱদ্ধ বাইহাটা চাৰিআলিৰ তীৰ্থযাত্ৰী

বুধবাৰে ষাঠীৰ উৰ্ধৰ বসন্ত দাস নামৰ এগৰাকী ব্যক্তি খাৰুপেটীয়াৰ বুলবুল দাসৰ সৈতে পুৰীত তীৰ্থ ভ্ৰমণলৈ গৈছিল । কিন্তু হঠাৎ প্ৰাকৃতিক দুৰ্যোগৰ সন্মুখীন হৈ পৰিয়ালৰ সৈতে যোগাযোগ বিচ্ছিন্ন হৈ পৰে লোককেইজনৰ

বাইহাটা, 5 মে': ফেণীৰ ফলত বিগত কেইবাদিনো ধৰি বাইহাটা চাৰিআলিৰ তীৰ্থযাত্ৰী আৱদ্ধ হৈ আছে পুৰী জগন্নাথত৷ উল্লেখ্য যে, বুধবাৰে ষাঠীৰ উৰ্ধৰ বসন্ত দাস নামৰ এগৰাকী ব্যক্তি খাৰুপেটীয়াৰ বুলবুল দাসৰ সৈতে পুৰীত তীৰ্থ ভ্ৰমণলৈ গৈছিল । কিন্তু হঠাৎ প্ৰাকৃতিক দুৰ্যোগৰ সন্মুখীন হৈ পৰিয়ালৰ সৈতে যোগাযোগ বিচ্ছিন্ন হৈ পৰে লোককেইজনৰ । যোগাযোগৰ বাবে বহুবাৰ চেষ্টা কৰাৰ পিচতো সফল হোৱা নাই পৰিয়ালবৰ্গ ৷

তাৰোপৰি উৰিষ্যা চৰকাৰৰ লগতে অসম চৰকাৰৰৰ পৰাও কোনোধৰণৰ সঁহাৰি নোপোৱাৰ অভিযোগ তুলিছে বসন্ত দাসৰ পৰিয়ালে । সংবাদ মাধ্যমৰ জৰিয়তেই অতি শীঘ্ৰে ওড়িশাত আৱদ্ধ বসন্ত দাসৰ লগতে খাৰুপেটীয়াৰ বুলবলু দাসক উদ্ধাৰৰ দাবী কৰে ভুক্তভূগী পৰিয়ালটোৱে ৷