গুৱাহাটী, 24 আগষ্ট: গৌৰৱোজ্জল 50 টা বৰ্ষ গৰকিলে নাৰেংগী উচ্চ বিদ্যালয়ে (Golden Jubilee of Narengi high school) ৷ বিদ্যালয়খনৰ সোণালী জয়ন্তী উপলক্ষে শিক্ষানুষ্ঠানখনৰ প্ৰাক্তন ছাত্ৰৰ উদ্যোগত আজি এখন সংবাদমেল অনুষ্ঠিত হয় । মহানগৰীৰ নাৰেংগীস্থিত পূৱ গুৱাহটী প্ৰেছ ক্লাৱত অনুষ্ঠিত সংবাদমেলখন সম্বোধন কৰে নাৰেংগী উচ্চ মাধ্যমিক বিদ্যালয়ৰ প্ৰাক্তন ছাত্ৰ কমল বৰাই ।
সংবাদমেলত ভাগ লৈ বৰাই কয় যে 50 বছৰত ভৰি দিয়া নাৰেংগী উচ্চ বিদ্যালয় কৰ্তৃপক্ষই ইতিমধ্যে যোৱা 18 আগষ্টত নাৰেংগী উচ্চ বিদ্যালয়ৰ সোণালী জয়ন্তী বৰ্ষৰ কাৰ্যসূচীৰ শুভাৰম্ভ কৰিছে (Golden Jubilee celebration of Narengi high school)। অহা 11 ছেপ্তেম্বৰত দিনৰ 10 বজাত নাৰেংগী উচ্চ বিদ্যালয়ত প্ৰাক্তন ছাত্ৰ-ছাত্ৰীৰ এক সন্মিলনৰ আয়োজন কৰা হৈছে (Alumni meet of Narengi high school) ।
উক্ত সন্মিলনত সমূহ প্ৰাক্তন ছাত্ৰ-ছাত্ৰীক ভাগ ল’বলৈ আজিৰ সংবাদমেলৰ জৰিয়তে আহ্বান জনাই প্ৰাক্তন ছাত্ৰ বৰাই । সেইদিনাই নাৰেংগী উচ্চ বিদ্যালয়ত প্ৰাক্তন ছাত্ৰ-ছাত্ৰী সন্মিলনৰ কমিটি গঠন কৰা হ’ব বুলিও জনায় কমল বৰাই ।
ইচ্ছুক প্ৰাক্তন ছাত্ৰ-ছাত্ৰী সকলক 94015 96390, 98651 10435 নম্বৰত যোগাযোগ কৰিবলৈ তেওঁ আহ্বান জনায় । অহা ডিচেম্বৰ মাহত সোণালী জয়ন্তী বৰ্ষৰ সামৰণি অনুষ্ঠান অনুষ্ঠিত হ’ব বুলি জানিবলৈ দিয়ে উদ্যোক্তা সকলে । উক্ত সংবাদমেলত প্ৰাক্তন ছাত্ৰ কমল বৰাৰ লগতে সাংবাদিক জয়ন্ত কোঁৱৰ, জীতেন ঠাকুৰীয়া, নৱজ্যোতি গোস্বামী, জিতু কলিতা আৰু চন্দ্ৰজিৎ দাসো উপস্থিত থাকে ।
লগতে পঢ়ক: ৰাষ্ট্ৰীয় শিক্ষানীতিৰ সমৰ্থনত নলবাৰীত ABVPৰ গণ স্বাক্ষৰ
