হাগ্ৰামাই বিটিএডিত যি ষড়যন্ত্ৰ কৰি আছে সেয়া ফলপ্ৰসু নহয়ঃ সাংসদ নৱ শৰণীয়া

হাগ্ৰামাৰ বিৰুদ্ধে সাংসদ নৱ শৰণীয়াৰ বিস্ফোৰণ । বাংলাদেশৰ পৰা বৰঝাৰ বিমানবন্দৰত উপস্থিত হৈ হাগ্ৰামাৰ বিৰুদ্ধে সমালোচনাত মুখৰ হৈ পৰে সাংসদ নৱ শৰণীয়া ৷

দক্ষিণ কামৰূপ,10 অক্টোবৰঃ শনিবাৰে বাংলাদেশ ভ্ৰমণৰ পৰা আহি গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত উপস্থিত হয় কোকৰাঝাৰৰ সাংসদ নৱ শৰণীয়া ৷ বিমানবন্দৰ চৌহদত সংবাদ মাধ্যমৰে সৈতে হোৱা চমু বাৰ্তালাপত বিটিচি প্ৰধান হাগ্ৰামা মহিলাৰীৰ বিৰুদ্ধে সমালোচনাত মুখৰ হৈ পৰে সাংসদগৰাকী ৷ সাংসদগৰাকীয়ে বিটিএডিত মহিলাৰীৰ নেতৃত্বত বিপিএফে ভয়-ভাবুকিৰ ৰাজনীতি কৰা বুলি অভিযোগ উত্থাপন কৰে ৷ আনহাতে বিভিন্ন বড়ো সংগঠনৰ লগত মিলিত হৈ বিপিএফে বড়ো আৰু অবড়োসকলক দ্বি-খণ্ডিত কৰিব বিচাৰিছে বুলিও উল্লেখ কৰে সাংসদগৰাকীয়ে ৷ তদুপৰি, বিটিএডি নতুনকৈ চাৰিখনকৈ জিলা গঠনৰ প্ৰস্তাৱটোক কটাক্ষ কৰি শৰণীয়াই কয়," বিটিএডিত থকা আগৰ জিলা সমূহকে ভালদৰে পৰিচালিত কৰিব পৰা নাই, এতিয়া নতুনকৈ জিলা অধিক কৰি হাগ্ৰামাই কি কৰিব সেয়া বিটিচিৰ জনসাধাৰণে জানে ।" সাংসদগৰাকীয়ে বিটিএডিত উন্নয়নৰ স্থৱিৰতাৰ বাবে বিপিএফ আৰু হাগ্ৰামা মহিলাৰীক ইযাৰ বাবে মূল জগৰীয়া বুলি অভিহিত কৰে ৷

আৰু পঢ়ক