গুৱাহাটী, 17 আগষ্টঃ ৫ আগষ্টত হোটেল তাজ ভিভাণ্টাত চুপাৰি মাফিয়া আৰু কেইবাজনো শীৰ্ষ আৰক্ষী বিষয়াই গোপনে বৈঠকত মিলিত হোৱাৰ অভিযোগ কৃষক মুক্তিৰ । এই বৈঠকৰ তদন্ত বিচাৰি এজাহাৰ দাখিল কৃষক মুক্তি সংগ্ৰাম সমিতিৰ৷ এজাহাৰত তিনিজন আৰক্ষী অধীক্ষকৰ নাম উল্লেখ কৰিছে কৃষক মুক্তিয়ে ।
অভিযোগ অনুসৰি তিনিজন আৰক্ষী অধীক্ষকৰ লগতে এজন আৰক্ষী মহাপৰিদর্শকো উপস্থিত আছিল এই বৈঠকত । উল্লেখযোগ্য যে ইণ্ডোনেছিয়া আৰু ম্যানমাৰৰ পৰা সম্পূৰ্ণ অবৈধ ভাবে চুপাৰি কঢ়িয়াই আনি ভাৰতৰ বিভিন্ন ৰাজ্যত থকা কোম্পানী সমূহক যোগান ধৰি আহিছে একাংশ চুপাৰি মাফিয়াই । অসমত যাতে এই ছিণ্ডিকেট সহজ ভাবে চলাই যাব পাৰি তাৰ বুজাবুজিৰ বাবেই হোটেল তাজ ভিভাণ্টাত চুপাৰি মাফিয়া আৰু আৰক্ষী বিষয়া সকল বৈঠকত মিলিত হোৱাৰ অভিযোগ কৃষক মুক্তি সংগ্ৰাম সমিতিৰ৷
