স্বাধীনতা দিৱসক লৈ সষ্টম মহানগৰ আৰক্ষী

সমাগত দেশৰ 73সংখ্যক স্বাধীনতা দিৱস ৷ দেশৰ বিভিন্ন প্ৰান্তৰ লগতে ৰাজ্যৰ বিভিন্ন স্থানত কটকটীয়া কৰি তোলা হৈছে নিৰাপত্তা ব্যৱস্থা ৷ কূটাঘাতমূলক ঘটনা যাতে সংঘটিত নহয় তাৰ বাবে দিনে নিশাই আৰক্ষীয়ে অব্যাহত ৰাখিছে তালাচী অভিযান ৷ সষ্টম কৰি ৰখা হৈছে বিশেষ বাহিনী ৷

গুৱাহাটী, 10 আগষ্টঃ সমাগত দেশৰ 73 সংখ্যক স্বাধীনতা দিৱস ৷ স্বাধীনতা দিৱসৰ পূৰ্বেই ৰাজ্যৰ বিভিন্ন প্ৰান্তকে ধৰি মহানগৰীটো কটকটীয়া কৰি তোলা হৈছে নিৰাপত্তা ব্যৱস্থা ৷ স্বাধীনতা দিৱসৰ পূৰ্বেই মহানগৰীৰ বিভিন্ন স্থানত আৰক্ষীয়ে চলাইছে তালাচী অভিযান ৷ মহানগৰীৰ সহকাৰী আৰক্ষী আয়ুক্ত পল্লৱ তামুলীৰ নেতৃত্বত কেন্দুগুৰী,চিলেটীবস্তী,শশ্মান বস্তী,ধূপগুৰী পাহাৰত চলিছে ব্যাপক তালাচী অভিযান ৷ অভিযানত অসমৰ আৰক্ষীৰ ব্লেক পেন্থাৰ কামাণ্ডোৰ লগতে নুনমাটি আৰক্ষীয়ে সহযোগ কৰে ৷ স্বাধীনতা দিৱসক লৈ ৰাইজৰ মাজত সজাগতা সৃষ্টিৰ উদ্দেশ্যে অভিযানকাৰী দলটোৱে অধিকাংশ স্থানীয় লোকৰ সৈতে মত বিনিময় কৰে ৷