গুৱাহাটী, 22চেপ্তেম্বৰ : দেওবাৰে নিশা গুৱাহাটী মহানগৰীৰ বেহাৰবাৰীৰ ৩৭নং ৰাষ্ট্ৰীয় ঘাইপথত সংঘটিত হয় এক শোকাৱহ পথ দুৰ্ঘটনা ৷ তীব্ৰবেগী এখন ট্ৰাকে মহতিয়াই নিয়ে এখন স্কুটীক ৷ ফলত নয়ন দাস নামৰ স্কুটী আৰোহীজন থিতাতে নিহত হোৱাৰ বিপৰীতে গুৰুতৰভাৱে আঘাতপ্ৰাপ্ত হয় বিকাশ কলিতা নামৰ আন এজন স্কুটী আৰোহী ৷ সংকটজনক অৱস্থাত ক্ৰিটিকেল কেয়াৰ হাস্পতালত ভৰ্তি কৰোৱা হয় আৰোহীজনক। বশিষ্ঠৰ পৰা জালুকবাৰী অভিমুখে গৈ থকা অৱস্থাতে সংঘটিত হয় এই শোকাৱহ দুৰ্ঘটনাটো।
মহানগৰীত শোকাৱহ পথ দুৰ্ঘটনাত নিহত এজন, আহত ১
ইফালে এই দুৰ্ঘটনা সংঘটিত কৰিয়েই ট্ৰাকখনৰ চালক আৰু হেণ্ডিমেনে পলায়ন কৰিছিল যদিও গড়চুক আৰক্ষীয়ে বৰাগাঁৱত ট্ৰাকখনৰ চালক বাখু শ্বেখ আৰু হেণ্ডিমেন বাপন শ্বেখক আটক কৰিবলৈ সক্ষম হয় ৷
