গুৱাহাটী, 21 নৱেম্বৰ: বৃহস্পতিবাৰে মহানগৰীত পুনৰ সংঘটিত হ'ল এক ভয়ংকৰ অগ্নিকাণ্ডৰ ঘটনা ৷ মহানগৰীৰ সাউকুছিত থকা এটা কপাহ গুদামত সংঘটিত হ'ল এই অগ্নিকাণ্ড ৷ ঘটনা অনুসৰি অবৈধ ভাৱে বহুতো কপাহৰ কম্বল মজুত ৰখা কপাহ গুদামটোত চৰ্ট শ্বাৰ্কিট হৈ এই অগ্নিকাণ্ডৰ সূত্ৰপাত ঘটি আন আন ঠাইলৈ সম্প্ৰসাৰিত হয় ৷ ইফালে অগ্নিকাণ্ডৰ ঘটনা পোহৰলৈ অহাৰ পাছতেই ঘটনাস্থলীত জুই নুমুৱাৰ বাবে উপস্থিত হয় দুখনকৈ অগ্নি নিৰ্বাপক বাহিনীৰ গাড়ী ৷ বহু সময় ধৰি যুঁজাৰ পাছত অৱশেষত অগ্নি নিৰ্বাপক বাহিনীৰ দলটোৱে জুই নিয়ন্ত্ৰণ কৰিবলৈ সক্ষম হয় ৷ ঘটনাৰ পাছতে ঘটনাস্থলীত বশিষ্ঠ আৰক্ষী আৰু বিদ্যুত সংমণ্ডলৰ লোক উপস্থিত হৈ ইতিমধ্যে তদন্ত আৰম্ভ কৰিছে ৷ তদন্তৰ পাছতহে পোহৰলৈ আহিব অগ্নিকাণ্ডৰ আঁৰৰ প্ৰকৃত ৰহস্য ৷
সাউকুছিৰ কপাহ গুদামত সংঘটিত হল এই বিধংসী অগ্নিকাণ্ড
আৰু পঢ়ক: দেবব্ৰত শইকীয়াৰ ফৈদ পাণ্ডৱ আৰু বাকীবোৰ কৌৰৱঃ ৰূপজ্যোতি কুৰ্মী
