ৰঙিয়া, 6 জুন : প্ৰায় দুমাহৰ পৰা ৰঙিয়াত আৱদ্ধ হৈ থকা কেৰালাৰ চালকসকলক সাহাৰ্য প্ৰদান কৰিলে ৰঙিয়াৰ কেইজনমান যুৱকে । কেৰালাৰ পৰা আহি ৰঙিয়াত আৱদ্ধ হৈ থকা ৮ খন বাছৰ চালক, হেণ্ডিমেন সকলক কিছু পৰিমাণে খাদ্য সামগ্ৰী বিতৰণ কৰিলে ৰঙিয়াৰ কেইগৰাকীমান সচেতন যুৱকে ।
ৰঙিয়াৰ চাৰিগৰাকীৰ যুৱকে লগত খাদ্য সামগ্ৰী লৈ ৰঙিয়াৰ চেপ্তিৰ গীৰ্জাঘৰৰ চৌহদত উপস্থিত হয় । চালক, হেণ্ডিমেন সকলৰ লগতে গীৰ্জাৰ ফাদাৰৰ লগতো মত বিনিময় কৰে চাৰি যুৱকে । অত্যাৱশ্যকীয় সামগ্ৰীৰ লগতে শাক-পাচলিসমুহ বিতৰণ কৰি কিছু পৰিমাণে সকাহ দিয়াৰ চেষ্টা কৰে চালক, হেণ্ডিমেনসকলক ।
উল্লেখযোগ্য যে কেৰালাত কাম কৰা অসমৰ প্ৰায় ১২ হাজাৰ যুৱক, যুৱতী বিধানসভা নিৰ্বাচন আৰু ঈদৰ পূৰ্বে অসমলৈ আহিছিল বাছেৰে । তেতিয়াৰে পৰা অসমৰ বিভিন্ন ঠাইৰ লগতে ৰঙিয়াতো আৱদ্ধ হৈ আছে কেৰালাৰ কেইবাগৰাকীও চালক, হেণ্ডিমেন ।
লগতে পঢ়ক : গহপুৰত চত্ৰং নৈৰ মথাউৰি ভাঙি প্লাৱিত বিস্তীৰ্ণ অঞ্চল
