নিউজ ডেস্ক, ৮ এপ্ৰিলঃ বুধবাৰে খাদ্য অসামৰিক যোগান আৰু গ্ৰাহক পৰিক্ৰমা বিভাগে নিৰ্ধাৰিত কৰিলে ৰাজ্যৰ শাক-পাচলিৰ মূল্য । মহামাৰী কৰ'ণা ভাইৰাছৰ ভয়াৱহতাৰ ফলত দেশজুৰি চলা লকডাউনৰ সময়ছোৱাত একাংশ ব্যৱসায়ীয়ে অধিক দৰত বিক্ৰী কৰিছিল পাচলিসমূহ ।
বুধবাৰে খাদ্য অসামৰিক যোগান আৰু গ্ৰাহক পৰিক্ৰমা বিভাগৰ সহযোগত কামৰূপ মহানগৰ জিলা প্ৰশাসনে অতিৰিক্ত উপায়ুক্ত শ্ৰী মনোজ শিকাৰীয়াৰ তত্বাৱধানত পাচলি ব্যৱাসায়ী সকলৰ লগত বৈঠকত বহি প্ৰস্তুত কৰি উলিয়াই মূল্য তালিকা । এতিয়াৰে পৰা তালিকাখনৰ নিৰ্ধাৰিত দামৰ ভিত্তিতে ব্যৱসায়ীসকলে বিক্ৰী কৰিব লাগিব শাক-পাচলি ।
