গুৱাহাটী,৯ জুন: অসম বিধানসভাৰ বিৰোধী দলপতি দেৱব্ৰত শইকীয়া কয় যে যোৱা ১৩ দিন ধৰি গেছ নিৰ্গত হৈ থকা স্বত্বেও কেন্দ্ৰীয় চৰকাৰৰ তেল আৰু প্ৰাকৃতিক গেছ মন্ত্ৰাণালয়ৰ বিভাগীয় মন্ত্ৰী অথবা জেষ্ঠ বিষয়াই অসমলৈ আহি ঘটনাস্থলী পৰিদৰ্শন কৰাৰ প্ৰয়োজন বোধ নকৰিলে। বৰ্তমান কেন্দ্ৰীয় চৰকাৰে মাথো অসমৰ তৈলক্ষেত্ৰ,চূণৰ খনি আদি চৰকাৰৰ ঘনিষ্ঠ ব্যৱসায়ী গোষ্ঠীক অৰ্পণ কৰাতহে গুৰুত্ব দিছে। লগতে এই দুৰ্ঘটনাৰ ফলত ডিব্ৰু-ছৈখোৱা ৰাষ্ট্ৰীয় উদ্যান,মাগুৰি মতাপুং বিলকে ধৰি বাঘজান,দীঘলটৰং,নতুন ৰঙাগড়া,বাৰেবিল আদিত মানুহৰ লগতে জীৱ-জন্তুৰ অস্তিত্ব বিপদাপন্ন হৈছে।
আনহাতে তেওঁ কয় যে ৰাজ্য চৰকাৰে কেন্দ্ৰীয় চৰকাৰৰ ওপৰত হেঁচা প্ৰয়োগ কৰা উচিত যাতে অখ্যাত চিংগাপুৰৰ প্ৰতিষ্ঠানৰ স্থানত প্ৰয়াত ৰেড এডায়াৰ নেতৃত্বাধীন কোম্পানীৰ লেখিয়া আমেৰিকাৰ এনে দুৰ্ঘটনা নিয়ন্ত্ৰণ কৰিব পৰা বিশেষজ্ঞ প্ৰতিষ্ঠান অনতিপলমে বাঘজানলৈ অনাৰ ব্যৱস্থা কৰে যেন।
লগতে ক্ষতিগ্ৰস্ত লোকক তাৎক্ষণিক ভাৱে পৰ্যাপ্ত ক্ষতিপূৰণ দিবলৈ দাবী জনায় বিৰোধী দলৰ দলপতি দেৱব্ৰত শইকীয়াই।
লগতে পঢ়কঃ বাঘজান বিস্ফোৰণ নিয়ন্ত্ৰণলৈ আনিবলৈ বায়ুসেনাৰ সহায় বিচাৰিলে মুখ্যমন্ত্ৰীয়ে
