গুৱাহাটী, 15জুনঃ আজি শ্বহীদ কুশল কোঁৱৰৰ ৭৭সংখ্যক মৃত্যু বাৰ্ষিকী তিথি । মহান শ্বহীদ গৰাকীক শ্ৰদ্ধাঞ্জলি জনাবলৈ পুৱাই গুৱাহাটীৰ নেহেৰু উদ্যানত উপস্থিত হয় মুখ্যমন্ত্ৰী সৰ্বানন্দ সোণোৱাল ।
শ্বহীদ কুশল কোঁৱৰৰ ৭৭ সংখ্যক মৃত্যু বাৰ্ষিকী তিথিত গুৱাহাটীৰ নেহেৰু উদ্যানত উপস্থিত হয় মুখ্যমন্ত্ৰী সৰ্বানন্দ সোণোৱালৰ সৈতে উপস্থিত থাকে অসম চৰকাৰৰ কেবিনেট মন্ত্ৰী সিদ্ধাৰ্থ ভট্টাচাৰ্য । উল্লেখযোগ্য যে, কামৰূপ জিলা মুক্তি যুঁজাৰু সন্মিলনে আয়োজন কৰা অনুস্থানত মুখ্যমন্ত্ৰীয়ে বন্তি প্ৰজ্জ্বলন কৰাৰ লগতে শ্বহীদ বীৰ গৰাকীৰ প্ৰতিমূৰ্তিত মাল্যাৰ্পণ কৰে । মুখ্যমন্ত্ৰী গৰাকীয়ে শ্বহীদ বীৰ গৰাকীৰ সন্দৰ্ভত মন্তব্য আগবঢ়াই কয় যে তেখেতৰ সাহস আৰু দেশৰ হকে কৰা মহান ত্যাগে আমাৰ প্ৰতিটো প্ৰজন্মকে অনুপ্ৰেৰণা যোগাই আহিছে । তেখেতৰ মহান ত্যাগ সদায় সকলোৰে চিৰস্মৰণীয় হৈ থাকিব ৷ আনহাতে আজিৰ এই অনুস্থানতে সোণোৱালে বিশিষ্ট মুক্তিযুঁজাৰু শ্ৰীকৃষ্ণ লহকৰৰ সৈতে মত বিনিময় কৰে ।
লগতে পঢ়ক- পুনৰ প্ৰাণ পাই উঠিব কলিয়াবৰৰ টি,আও খেলপথাৰ
