BTR চুক্তি স্বাক্ষৰিত কৰি গুৱাহাটীত উপস্থিত বড়ো নেতৃত্ব

27 জানুৱাৰীত বড়ো শান্তি চুক্তি স্বাক্ষৰিত কৰি আজি গুৱাহাটীত উপস্থিত হয় বড়ো নেতৃত্ব ৷ বড়ো নেতৃত্বক বিমানবন্দৰত উষ্ম আদৰনি জনায় বহুসংখ্যক বড়ো লোকে ৷

গুৱাহাটী, 28 জানুৱাৰীঃ BTR স্বাক্ষৰিত কৰি বিমানবন্দৰত উপস্থিত হয় বড়ো শান্তি আলোচনাৰ নেতৃবৰ্গ । যোৱা 27জানুৱাৰীত নতুন দিল্লীত স্বাক্ষৰিত হোৱা বহু প্ৰত্যাশিত বড়ো শান্তি চুক্তি, BTRক লৈ উৎফুল্লিত হৈ পৰিছে বড়োসকল । ত্ৰিপাক্ষিক এই চুক্তিত স্বাক্ষৰ কৰে NDFBৰ ৰঞ্জন দৈমাৰী, ধীৰেন বড়ো, গোবিন্দ বসুমতাৰী আৰু বি চাওৰাইগৌড়াৰ লগতে এবছুৰ সভাপতি প্ৰমোদ বড়ো, পিজেএচিবিএম আৰু ইউবিপিঅৰ নেতৃত্বই । লগতে অসম চৰকাৰৰ হৈ চুক্তিত স্বাক্ষৰ কৰে মূখ্য সচিব সঞ্জয় কৃষ্ণই । কেন্দ্ৰীয় চৰকাৰৰ হৈ গৃহ বিভাগৰ যুটীয়া সচিব সতেন্দ্ৰ গাৰ্গে এই চুক্তিত স্বাক্ষৰ কৰে ।

এই চুক্তি স্বাক্ষৰিত কৰি বৰঝাৰ বিমানবন্দৰত উপস্থিত হয় বড়ো নেতৃবৰ্গ । বড়ো নেতৃবৰ্গৰ আগমনৰ লগে লগেই বিমানবন্দৰত এক উছৱমুখৰ পৰিৱেশত সকলোকে আদৰনি জনায় বড়োসকলে ৷