নিউজ ডেস্ক, 12 মে’ : আমেৰিকা নিবাসী অসম সন্তান হেদায়েত আলীয়ে বৃহস্পতিবাৰে পুৱা বিশ্বৰ সৰ্বোচ্চ শৃংগ মাউন্ট এভাৰেষ্টত আৰোহণ কৰি অসম তথা ভাৰতলৈ গৌৰৱ কঢ়িয়াই আনে(Assam origin Hedayet Ali climbs mount everest) । আমেৰিকাৰ কেলিফৰ্ণিয়া চহৰ নিবাসী আলীৰ ঘৰ কামৰূপ জিলাৰ হাজোত । উচ্চ শিক্ষিত আলীয়ে বহু বছৰৰ পৰাই কৰ্মসূত্ৰে কেলিফৰ্ণিয়া চহৰত আছে ।
আলীয়ে যোৱা এপ্ৰিল মাহৰ ৯ তাৰিখে এভাৰেষ্টলৈ তেওঁৰ যাত্ৰা আৰম্ভ কৰিছিল । বৃহস্পতিবাৰে পুৱা ভাৰতীয় সময় মতে ৭.৩০ বজাত আলীয়ে মাউন্ট এভাৰেষ্টত আৰোহণ কৰিবলৈ সক্ষম হয় ।
উল্লেখ্য যে, ২০১৩ চনৰ মে মাহৰ ১৮ তাৰিখে অসমৰ তৰুণ শইকীয়াই মাউন্ট এভাৰেষ্টত আৰোহন কৰিবলৈ সক্ষম হৈছিল । শইকীয়া বিশ্বৰ সৰ্বোচ্চ শৃংগ মাউন্ট এভাৰেষ্ট(World's highest peak Mount Everest) জয় কৰা প্ৰথমগৰাকী অসমীয়া । তৰুণ শইকীয়াৰ এভাৰেষ্ট জয়ৰ কিছুদিন পাছতেই গুৱাহাটী নিবাসী মনীষ ডেকাই এভাৰেষ্টত আৰোহণ কৰি অসম তথা ভাৰতলৈ গৌৰৱ কঢ়িয়াই আনিবলৈ সক্ষম হৈছিল ।
লগতে পঢ়ক : ইষ্ট ডেইৰী কো-অপাৰেটিভ কনক্লেভত মুখ্যমন্ত্ৰী হিমন্ত বিশ্ব শৰ্মা
